లోక్​సభ ఎన్నికల సమయంలో స్టాక్​ మార్కెట్​ ఎలా పనిచేసింది? ఈసారి మళ్లీ అదే రిపీట్​!

2004: 2004 ఎన్నికలకు 6 నెలల ముందు నిఫ్టీ 1,550 దగ్గర ఉండేది. అక్కడి నుంచి 10.5శాతం రిటర్న్​ ఇచ్చి, ఫలితాల రోజున 1,712 దగ్గరికి చేరింది. ఫలితాల నుంచి ఆరు నెలల తర్వాత.. 8.6శాతం మేర పెరిగి 1859 లెవల్స్​కి చేరింది నిఫ్టీ. ఇక ఫలితాల తేదీ నుంచి ఏడాది కాలంలో 19.9శాతం రిటర్నులు ఇచ్చింది.

2009: 2009 ఎన్నికలకు 6 నెలల ముందు 2683 వద్ద ఉన్న ఎన్​ఎస్​ఈ నిఫ్టీ.. ఫలితాల సమయానికి 36.9శాతం మేర పెరిగి 3,672 వద్దకు చేరింది. అక్కడి నుంచి ఆరు నెలలకు ఇంకో 36.1శాతం పెరిగి 4,999 లెవల్స్​కి చేరింది. అంతేకాదు.. ఫలితాల నుంచి ఏడాది కాలంలోనే ఏకంగా 86.3శాతం పెరిగింది నిఫ్టీ.

2014:- నాటి లోక్​సభ ఎన్నికలకు 6 నెలల ముందు 6056 దగ్గర ఉన్న నిఫ్టీ.. ఫలితాల సమయానికి 18.9శాతం పెరిగి 7,203కి చేరింది. అక్కడి నుంచి ఆరు నెలలకు 16.4శాతం పెరిగి 8,383 లెవల్స్​ని టచ్​ చేసింది. ఫలితాల నుంచి ఏడాది కాలంలో 38.4శాతం వృద్ధి చెందింది నిఫ్టీ.

2019: ఆ లోక్​సభ ఎన్నికలకు ఆరు నెలల ముందు 10526 వద్ద ఉన్న నిఫ్టీ.. ఎన్నికల ఫలితాలు వచ్చేసరికి 10.7శాతం మేర పెరిగి 11,657కి చేరింది. ఆ తర్వాత ఆరు నెలల పాటు పెద్దగా కదలలేదు! కేవలం 2.2శాతం మేర పెరిగి 11,913 దగ్గరికి చేరింది. ఇక ఏడాది కాలంలో 13.2శాతం మేర రిటర్నులు ఇచ్చింది ఎన్​ఎస్​ఈ.