AP TG Weather Updates : ఉపరితల ఆవర్తన ప్రభావం..! ఏపీ, తెలంగాణలో తేలికపాటి వర్షాలు

నైరుతి బంగాళాఖాతం మరియు ఉత్తర తమిళనాడు తీర ప్రాంతంలో ఉపరితల ఆవర్తనం కొనసాగుతోందని వాతావరణశాఖ తెలిపింది. ఇది దక్షిణ తమిళనాడు, పరిసర ప్రాంతాల్లో సగటు సముద్ర మట్టానికి 0.9 కిమీ ఎత్తులో విస్తరించి ఉందని పేర్కొంది.  
 

ఆవర్తన ప్రభావంతో ఏపీలోని ఉత్తర, దక్షిణ కోస్తాతో పాటు సీమ జిల్లాల్లో వర్షాలు కురిసే అవకాశం ఉందని అంచనా వేసింది. కొన్నిచోట్ల ఉరుములతో కూడిన వర్షాలు కురిసే అవకాశం ఉంది.

ఏపీలో ఇవాళ(నవంబర్ 15) కోనసీమ, పశ్చిమగోదావరి, కృష్ణా, బాపట్ల, ప్రకాశం, నెల్లూరు, కర్నూలు, నంద్యాల, అనంతపురం, శ్రీ సత్యసాయి, వైఎస్ఆర్ మరియు తిరుపతి జిల్లాల్లోని కొన్ని ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉంది.

అల్లూరి సీతారామరాజు, ఏలూరు, ఎన్టీఆర్, గుంటూరు, పల్నాడు, అన్నమయ్య మరియు చిత్తూరు జిల్లాల్లోని కొన్ని ప్రాంతాల్లో తేలికపాటి వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ పేర్కొంది.

ఇక తెలంగాణలో చూస్తే ఇవాళ, రేపు తేలికపాటి నుంచి మోస్తారు వర్షాలు పడే అవకాశం ఉందని హైదరాబాద్ వాతారవణ కేంద్రం తెలిపింది. ఎలాంటి హెచ్చరికలు లేవని స్పష్టం చేసింది. 

నవంబర్ 17వ తేదీ నుంచి తెలంగాణలో పూర్తిగా పొడి వాతావరణం ఏర్పడే అవకాశం ఉంది. ఎలాంటి హెచ్చరికలు లేవని హైదరాబాద్ వాతావరణ కేంద్రం తెలిపింది.

ఇక ఇవాళ హైదరాబాద్ లో చూస్తే సాయంత్రం లేదా రాత్రి జల్లులు పడే అవకాశం ఉంది. ఉపరితల గాలులు ఈశాన్య దిశలో వీస్తాయని హైదరాబాద్ వాతావరణ కేంద్రం అంచనా వేసింది.