AP TG Weather : కొనసాగుతున్న ఉపరితల ఆవర్తనం - ఏపీలో ఇవాళ, రేపు వర్షాలు, కొన్నిచోట్ల ఉరుములతో కూడిన జల్లులు..!

ఆగ్నేయ బంగాళాఖాతంలో ఉపరితల ఆవర్తనం కొనసాగుతోంది. ఈ మేరకు వాతావరణశాఖ వివరాలను పేర్కొంది.  ఆగ్నేయ బంగాళాఖాతంలో సగటు సముద్రమట్టానికి 3.1 కి.మీటర్ల ఎత్తులో విస్తరించి ఉందని పేర్కొంది. ఏపీ, యానంలోని దిగువ ట్రోపో ఆవరణంలో ఈశాన్య, తూర్పు గాలులు వీస్తున్నాయని పేర్కొంది.
 

ఉపరితల ఆవర్తన ప్రభావంతో ఇవాళ(12 జనవరి 2025) దక్షిణ కోస్తా, రాయలసీమ జిల్లాల్లో తేలికపాటి నుంచి మోస్తారు వర్షాలు కురిసే అవకాశం ఉందని అంచనా వేసింది. ఎలాంటి హెచ్చరికలు లేవని స్పష్టం చేసింది.

దక్షిణ కోస్తాలో ఇవాళ తేలికపాటి నుంచి మోస్తారు వర్షాలు లేదా ఉరుములతో కూడిన జల్లులు కురిసే అవకాశం ఉందని అమరావతి వాతావరణ కేంద్రం పేర్కొంది. రేపు కూడా ఇదే పరిస్థితి ఉండనుంది
 

రాయలసీమ జిల్లాలోల ఇవాళ తేలికపాటి నుంచి మోస్తారు వర్షాలు కురిసే అవకాశం ఉంది. రేపు కొన్ని జిల్లాల్లో ఉరుములతో కూడిన జల్లులు పడొచ్చని అంచనా వేసింది.
 

ఇక తెలంగాణలో చూస్తే పూర్తిగా పొడి వాతావరణమే ఉంటుందని హైదరాబాద్ వాతావరణ కేంద్రం తెలిపింది. మరో ఐదారు రోజులు ఇలాగే ఉంటుందని తాజా బులెటిన్ లో పేర్కొంది. 

తెలంగాణ ఎలాంటి వర్ష సూచన లేదని హైదరాబాద్ వాతావరణ కేంద్రం స్పష్టం చేసింది. జనవరి 17వ తేదీ వరకు కూడా పొడి వాతావరణమే ఉంటుందని తెలిపింది.