AP TG Weather Updates : ఏపీలోని ఈ ప్రాంతాలకు తేలికపాటి వర్ష సూచన...! తెలంగాణలో పూర్తిగా పొడి వాతావరణం

ఏపీలోని ఉత్తర కోస్తాలో ఇవాళ పూర్తిగా పొడి వాతావరణమే ఉంటుందని అమరావతి వాతావరణం కేంద్రం తెలిపింది. ఎలాంటి వర్ష సూచన లేదని వెల్లడించింది.
 

దక్షిణ కోస్తాలో ఇవాళ కొన్నిచోట్ల తేలికపాటి నుంచి మోస్తారు వర్షాలు కురిసే అవకాశం ఉంది. మరికొన్నిచోట్ల పొడి వాతావరణం ఉండనుంది. అయితే ఎలాంటి హెచ్చరికలు లేవు.
 

రాయలసీమలో చూస్తే ఇవాళ కొన్నిచోట్ల తేలికపాటి నుంచి ఒక మోస్తారు వర్షాలు కురిసే అవకాశం ఉంటుందని అమరావతి వాతావరణ కేంద్రం తెలిపింది. 

ఇక తెలంగాణలో చూస్తే పూర్తిగా పొడి వాతావరణమే ఉండనుందని హైదరాబాద్ వాతావరణ కేంద్రం తెలిపింది. ఎలాంటి వర్ష సూచన లేదని స్పష్టం చేసింది. ఈ వారమంతా ఇదే పరిస్థితి ఉంటుందని పేర్కొంది. 
 

తెలంగాణలోని పలుచోట్ల రాబోయే 4 రోజులు అక్కడకక్కడ ఉదయం సమయంలో పొగమంచు ఏర్పడే అవకాశం ఉందని హైదరాబాద్ వాతావరణ కేంద్రం తెలిపింది. కనిష్ట ఉష్ణోగ్రతలు క్రమంగా తగ్గే అవకాశం ఉందని అంచనా వేసింది. 
 

తెలంగాణలో చలి తీవ్రత ఉన్నప్పటికీ… ఎలాంటి హెచ్చరికలు లేవని హైదరాబాద్ వాతావరణ కేంద్రం పేర్కొంది.