TS AP Weather Updates : ఐఎండీ చల్లని కబురు - ఏపీ, తెలంగాణకు వర్ష సూచన

తెలుగు రాష్ట్రాల ప్రజలకు వాతావరణశాఖ చల్లని కబురు చెప్పింది. ఈనెలలో వర్షాలు కురిసే అవకాశం ఉందని తెలిపింది,

ఫిబ్రవరి 24 నుంచి 26 తేదీల్లో  తెలంగాణలోని జిల్లాల్లో మోస్తారు వర్షాలు కురుస్తాయని అంచనా వేసింది. 

తేలికపాటి వర్షాలు మాత్రమే కురుస్తాయని… ఎలాంటి హెచ్చరికలు లేవని హైదరాబాద్ వాతావరణ కేంద్రం ఓ ప్రకటనలో తెలిపింది. 

ఆ తర్వాత మళ్లీ పొడి వాతావరణమే ఉంటుందని పేర్కొంది. శుక్రవారం కూడా సాధారణ వాతావరణ పరిస్థితులే ఉంటాయని అంచనా వేసింది. 

ఏపీకి వర్ష సూచన ఇచ్చింది అమరావతి వాతావరణ కేంద్రం. ఉత్తర కోస్తా ప్రాంతంలో రేపు, ఎల్లుండి తేలికపాటి వర్షాలు కురిసే అవకాశం ఉందని అంచనా వేసింది. 

దక్షిణ కోస్తా, రాయలసీమ ప్రాంతంలో కూడా రేపు, ఎల్లుండి తేలికపాటి నుంచి మోస్తరు వర్షాలు కురిసే అవకాశం ఉంది. కొన్నిచోట్ల పొడి వాతావరణమే ఉంటుందని తెలిపింది.