Omicron | డెల్టాను ఎదుర్కొనే శక్తి ఒమిక్రాన్ ఇస్తుందా.. సైంటిస్ట్ మాట ఇదీ!

ఈ మధ్యే ఒమిక్రాన్‌ వేరియెంట్‌పై డబ్ల్యూహెచ్‌వో చీఫ్‌ సైంటిస్ట్‌ సౌమ్య స్వామినాథన్‌ స్పందించారు. డెల్టాను ఎదుర్కొనే రోగ నిరోధక శక్తిని ఒమిక్రాన్‌ ఇచ్చే అవకాశం ఉన్నదని ఆమె అన్నారు. అయితే దీనికి కొన్ని కండిషన్స్‌ ఉన్నాయి.

ఇప్పటికే వ్యాక్సిన్‌ తీసుకొని ఒమిక్రాన్‌ బారిన పడిన వారు.. డెల్టాను ఎదుర్కొనే రోగనిరోధక శక్తి సాధిస్తున్నారని సౌమ్య స్వామినాథన్‌ వెల్లడించారు. అయితే ఇది వ్యాక్సిన్‌ వేసుకోని వారికి మాత్రం వర్తించదు.

ఒమిక్రాన్‌ను ఎదుర్కోవడానికి వ్యాక్సిన్‌ సాయపడుతోందని ఓ అధ్యయనం తేల్చిన విషయాన్ని ఈ సందర్భంగా సౌమ్య గుర్తు చేశారు. అయితే వ్యాక్సిన్‌కు ప్రత్యామ్నాయం కొవిడ్‌ బారిన పడటం ఒక్కటే కాదని ఆమె స్పష్టం చేశారు.

వ్యాక్సిన్‌ వేసుకున్న వాళ్లు, వేసుకోని వాళ్లు కూడా ఒమిక్రాన్‌ బారిన పడినట్లు ఈ అధ్యయనం తేల్చింది. అయితే, వ్యాక్సిన్‌ వేసుకున్న వాళ్లు ఈ వేరియెంట్‌ను సమర్థంగా ఎదుర్కొన్నట్లు కూడా స్పష్టమైంది.

వ్యాక్సిన్‌ తీసుకున్న వాళ్లు ఒమిక్రాన్‌, డెల్టాలను సమర్థంగా ఎదుర్కొన్నట్లు ఈ అధ్యయనంలో తేలింది. అందువల్ల డెల్టాను ఎదుర్కోవడానికి ఒమిక్రాన్‌ బారిన పడటం ఒక్కటే ప్రత్యామ్నాయం కాదు. వ్యాక్సిన్‌ వేసుకుంటేనే ఈ రెండు వేరియెంట్లతో సమర్థంగా ఫైట్‌ చేయగలం.

ఇండియాలో సెకండ్‌ వేవ్‌కు డెల్టా కారణం కాగా.. మూడో వేవ్‌ ఈ ఒమిక్రాన్‌ వల్ల వచ్చింది. అయితే డెల్టాతో పోలిస్తే ఒమిక్రాన్‌ విషయంలో మరణాలు చాలా తక్కువగా ఉన్నాయి. దీనికి వ్యాక్సినే కారణమని కూడా ఇప్పటికే ప్రభుత్వం స్పష్టంచేసింది.