Ayodhya ram mandir: రామ్ లల్లా విగ్రహం గురించి ఈ విషయాలు తెలిస్తే ఆశ్చర్యపోతారు..!

జనవరి 22 న అయోధ్యలో ప్రతిష్టించనున్న రామ్ లల్లా విగ్రహం నల్లరాతితో చేశారు.   అద్భుతమైన శోభను కలిగి ఉంది. నిజంగా రాముడి బాల అవతారాన్ని చూసినట్టుగా అనిపిస్తుంది. గురువారం మంత్రోచ్ఛారణల మధ్య విగ్రహాన్ని ఆలయ గర్భగుడిలో ఉంచారు. అప్పుడు ఈ విగ్రహం కళ్ళు పసుపు గుడ్డతో కప్పబడి ఉన్నాయి. వాటిని ప్రాణ ప్రతిష్ట రోజు తొలగిస్తారు. 51 అంగుళాల ఎత్తున్న ఈ విగ్రహానికి సంబంధించి అనేక ఆసక్తికరమైన విషయాలు మీకోసం. 

ఈ రామ్ లల్లా విగ్రహాన్ని కర్ణాటక శిల్పి అరుణ్ యోగిరాజ్ రూపొందించారు. ఇది ఒకే రాయితో చేయబడింది, ఏకా శిలా విగ్రహం. 

ఈ విగ్రహం బరువు దాదాపు 200 కిలోలు. విగ్రహం ఎత్తు 4.24 అడుగులు, వెడల్పు మూడు అడుగులు. ఈ విగ్రహం శ్రీరాముడిని 5 సంవత్సరాల పిల్లవాడిగా వర్ణిస్తుంది.

రామ్ లల్లా విగ్రహం మీద విష్ణువు పడి అవతారాలు కనిపిస్తాయి. ఈ 10 అవతారాలు – మత్స్య, కూర్మ, వరాహ, నరసింహ, వామన, పరశురాముడు, రాముడు, కృష్ణుడు, బుద్ధుడు, కల్కి అవతారాలకి సంబంధించిన చిన్న చిన్న విగ్రహాలు ఇరువైపులా  కనిపిస్తాయి. 

విగ్రహానికి ఒకవైపు శ్రీ హనుమంతుడు, మరోవైపు గరుడుడు ఉన్నారు.

రామ్ లల్లా కిరీటం పక్కన సూర్య దేవుడు, శంఖం, స్వస్తిక, సుదర్శన చక్రం, జాపత్రి కనిపిస్తాయి. విగ్రహం కిరీటం వెనుక శ్రీరాముని వంశ దైవం అయిన సూర్య భగవానుడు కనిపిస్తాడు. 

రామ్‌ లల్లా ఎడమ చేతిలో విల్లు, కుడి చేతిలో బాణం పట్టుకున్నట్టు ఉంటుంది. 

నల్లరాతితో చేసిన రామ్ లల్లా విగ్రహం చాలా ఆకర్షణీయంగా కనిపిస్తుంది. బాలరాముడి రూపం చూసి అందరూ తన్మయత్వంతో మునిగిపోతున్నారు. సాలగ్రామ రాతితో దీన్ని రూపొందించారు. వాటర్ ప్రూఫ్ విగ్రహం. నీరు, ఇతర పదార్థాలు తగిలిన ఎటువంటి హాని జరగదు. 

రాముడు ఐదేళ్ల రూపంతో ఈ విగ్రహాన్ని రూపొందించారు. చూసేందుకు ఎంతో అద్భుతంగా ఉంటుంది. 

దక్షిణ భారత శైలిలో 51 అంగుళాల పొడవైన రామ్ లల్లా విగ్రహం దూరం నుంచి భక్తులు చూసిన కనిపించేలా చేశారు.