Kidney Stone: కిడ్నీ స్టోన్స్ సమస్య ఉన్నవాళ్లు ఈ ఫుడ్స్ అస్సలు తినొద్దు.. చాలా డేంజర్
Kidney Stone: ఈ మధ్య కాలంలో కిడ్నీల్లో రాళ్లు ఏర్పడడం చాలా మందిలో సాధారణంగా మారింది. జన్యు పరంగానే కాకుండా, తినే ఆహారాలతో కూడా కిడ్నీల్లో రాళ్లు ఏర్పడుతాయి. కిడ్నీ స్టోన్ సైజ్ పెరిగితే, అది కిడ్నీ పనితీరుపై ప్రభావం చూపుతుంది. కిడ్నీల్లో రాళ్ల సమస్య ఉన్నవాళ్లు ఈ 5 ఆహారాలకు దూరంగా ఉండాలి.
(1 / 9)
ప్రస్తుతం కిడ్నీ స్టోన్ సమస్య విపరీతంగా పెరిగిపోతోంది.చాలా మంది యువకులకు అకస్మాత్తుగా నొప్పిగా అనిపించి డాక్టర్ దగ్గరకు వెళితే కిడ్నీల్లో రాళ్లు ఏర్పడ్డాయని తెలుస్తుంది. కిడ్నీ స్టోన్ పరిమాణం పెద్దదయ్యే కొద్దీ అది మూత్రపిండాల పనితీరుపై ప్రభావం చూపుతుంది.
(freepik)
(2 / 9)
క్యాల్షియం, ఆక్సలేట్, యూరిక్ యాసిడ్ వంటి మూలకాలు మూత్రపిండాల్లో పేరుకుపోయినప్పుడు అవి స్టోన్స్ లా మారుతాయి. కిడ్నీ స్టోన్ రోగులు తమ ఆహారంలో ప్రత్యేక శ్రద్ధ తీసుకోవాలి. ఎందుకంటే కొన్ని ఆహారాలు మూత్రపిండాల్లో రాళ్ల పరిమాణాన్ని పెంచుతాయి.
(3 / 9)
కిడ్నీ స్టోన్ రోగులు ఉప్పు అధికంగా ఉండే ఆహారాలు, ఆక్సలేట్ అధికంగా ఉండే ఆహారాలు, ప్రాసెస్ చేసిన ఆహారాలు తీసుకోవడం తగ్గించాలి. ఈ ఆహారాలు మూత్రపిండాల్లో రాళ్లు ఏర్పడడానికి కారణమవుతాయి.
(4 / 9)
మాంసాహారం, షుగర్ డ్రింక్స్ తీసుకోవడం వల్ల కూడా కిడ్నీలో రాళ్ల పరిమాణం పెరుగుతుంది.తక్కువ నీరు తాగడం వల్ల రాళ్లు ఏర్పడే అవకాశం ఉంది. కిడ్నీ స్టోన్ పేషెంట్లు వీలైనంత ఎక్కువ నీరు త్రాగాలి.తద్వారా మూత్రం ద్వారా రాళ్లను తొలగించవచ్చు.
(5 / 9)
చాక్లెట్, చియా విత్తనాలు, వేరుశెనగ, బచ్చలికూర, బీట్ రూట్ వంటి ఆక్సలేట్ అధికంగా ఉండే ఆహారాన్ని తీసుకోవడం వల్ల మూత్రపిండాల్లో రాళ్ల సమస్యలు పెరుగుతాయి. మూత్రపిండాల్లో రాళ్ళు ఏర్పడటంలో ఆక్సలేట్ ముఖ్యమైన పాత్ర పోషిస్తుంది.మూత్రపిండాల్లో రాళ్ళు ఉన్నవారు ఆక్సలేట్ కలిగిన ఆహారాలకు పూర్తిగా దూరంగా ఉండాలి.
(6 / 9)
ఉప్పు అధికంగా ఉండే ప్రాసెస్డ్ ఫుడ్స్, చిప్స్, సాసేజ్ లు, ప్యాకేజ్డ్ స్నాక్స్ వంటివి కిడ్నీ ఆరోగ్యానికి హానికరం.ఈ ఆహారాలలో సోడియం అధికంగా ఉంటుంది.ఇది శరీరంలోని ద్రవాల సమతుల్యతను దెబ్బతీస్తుంది. ఉప్పు ఎక్కువగా తినడం వల్ల రక్తపోటు పెరిగి మూత్రపిండాలపై ఒత్తిడి పెరుగుతుంది.
(7 / 9)
కిడ్నీ స్టోన్ పేషెంట్లు ప్రోటీన్స్ ఎక్కువగా ఉండే మాంసం, చేపలు తినడం మానేయాలి. ముఖ్యంగా రెడ్ మీట్, సీఫుడ్ వల్ల యూరిక్ యాసిడ్ పెరిగి కిడ్నీలో రాళ్లు ఏర్పడతాయి. ఇలాంటి పరిస్థితుల్లో కిడ్నీలో రాళ్లు పెరగకుండా ఉండాలంటే మాంసాహారానికి దూరంగా ఉండాలి.
(8 / 9)
సోడా, కూల్ డ్రింక్స్, స్పోర్ట్స్ డ్రింక్స్, ఎనర్జీ డ్రింక్స్ వంటివి తాగడం మానేయాలి .వీటిలో ఫాస్పోరిక్ యాసిడ్, షుగర్ ఎక్కువగా ఉంటాయి. ఇవి మూత్రపిండాల్లో రాళ్లు ఏర్పడే ప్రమాదాన్ని పెంచుతాయి.ఈ డ్రింక్స్ తాగడం వల్ల శరీరంలో కాల్షియం, ఇతర మినరల్స్ అసమతుల్యత ఏర్పడి రాళ్లకు దారితీస్తుంది.
ఇతర గ్యాలరీలు