Telangana Tourism : కనకగిరి కొండల్లో ట్రెక్కింగ్ చేస్తారా..? మీకోసమే ఈ స్పెషల్ టూర్ ప్యాకేజీ, ధర చాలా తక్కువ

ఎత్తైన కొండలు, ఎన్నో వృక్షాలు, అబ్బురపరిచే జలపాతం, ఆపై పచ్చని ప్రకృతి… ఇవన్నీ చూడాలంటే కొత్తగూడెం జిల్లాలోని కనకగిరి గుట్టలను చూడాల్సిందే..! అయితే అలాంటి అవకాశాన్ని తెలంగాణ టూరిజం శాఖ అందుబాటులోకి తీసుకువచ్చింది. ఈ మేరకు స్పెషల్ ప్యాకేజీని ప్రకటించింది.

ఎంతో ఎత్తులో ఉండే కనకగిరి కొండల్లో  ట్రెక్కింగ్ చేసే అవకాశాన్ని టూరిజం శాఖ కల్పించింది. ఇందుకు సంబంధించిన వివరాలను భదాద్రి కొత్తగూడెం జిల్లా కలెక్టర్ కార్యాలయం ప్రకటించింది. సోషల్ మీడియాలో (X) రిజిస్ట్రేషన్ లింక్ ను కూడా పోస్ట్ చేసింది.

కనకగిరి కొండల్లో ఆరు కిలో మీటర్లు ట్రెక్కింగ్ చేయవచ్చు. పైగా కిందికి మరో 6 కిమీ పాటు ఉంటుంది. 

18 ఏళ్లకు పైగా ఉన్న వారికి మాత్రమే ట్రెక్కింగ్ అవకాశం ఉంటుంది. మొత్తం 2 రోజులు ఉంటారు. శని, ఆదివారాల్లో మాత్రమే ఈ ప్యాకేజీ అందుబాటులో ఉంటుంది. టికెట్ ధర ఒక్కరికి రూ. 2వేలుగా నిర్ణయించారు

ఈ ప్యాకేజీ హైదరాబాద్ నుంచి అందుబాటులో ఉంటుంది. శనివారం ఉదయం 11 గంటలకు బయల్దేరుతారు.  సాయంత్రం 4 గంటలకు కొత్తగూడెం చేరుకంటారు. సాయంత్రం చంద్రుగొండ మండల కేంద్రానికి చేరుతారు. ఆ తర్వాత కొన్ని యాక్టివిటిస్ ఉంటాయి. 8 గంటలకు డిన్నర్ ఉంటుంది. రాత్రి క్యాంప్ లో నిద్రిస్తారు.

ఆదివారం ఉదయం బ్రేక్ ఫాస్ట్ చేస్తారు. 7 గంటలకు కనకగిరి ట్రెక్కింగ్ ప్రారంభమవతుంది. మధ్యాహ్నం 2 గంటలకు లంచ్ ఉంటుంది. 4 గంటలకు హైదరాబాద్ చేరుకోవటంతో ప్యాకేజీ ముగుస్తుంది.
 

ఈ ప్యాకేజీని బుకింగ్ చేసుకునేందుకు లింక్ : https://linktr.ee/explorebhadradri