జాతకంలో కళత్ర దోషం ఉందా? పెళ్లి కోసం ఈ పరిహారాలు చేయాలి!

జాతకంలో 7వ ఇంటిని కళత్ర స్థానం అని అంటారు. ఇది జీవిత భాగస్వామి స్థానం అని జ్యోతిష్య శాస్త్రం చెబుతోంది. ఇక్కడ దోషం ఉన్న వారికి వివాహం ఆలస్యమవుతుంది. ఎంత ప్రయత్నించినా ఫలితం ఉండకపోవచ్చు.

కళత్ర దోషం ఉండి, పెళ్లి చూపులు ఫలించి, నిశ్చితార్థం వరకు వెళ్లినా.. చివరిలో పెళ్లి ఆగిపోయే అవకాశం కూడా ఉంటుందని జ్యోతిష్కులు అంటున్నారు. పెళ్లికి శుభ ముహూర్తం చాలా ముఖ్యం. కళత్ర దోషం ఉంటే.. ఆ శుభ ముహూర్తాన్ని కనుక్కోవడం కూడా కష్టమవుతుందని చెబుతున్నారు.

కళత్ర దోష ప్రభావాన్ని తగ్గించేందుకు పలు మార్గాలు, పరిహారాలు ఉన్నాయి. వీటిని.. శుక్రవారాలు, ఆదివారాలు పాటిస్తే.. మంచి ఫలితాలను చూడవచ్చు.

కళత్ర దోషం ఉన్న వారు అరటి చెట్టుతో వివాహం చేసుకోవాలని జ్యోతిష్య శాస్త్రం చెబుతోంది. ఇలా చేస్తే.. కళత్ర దోషానికి ఉన్న చెడు ప్రభావం చెట్టుకు బదిలీ అవుతుందని అంటోంది. కుంభ (కలశం) వివాహం కూడా చేసుకోవచ్చని సూచిస్తోంది.

కళత్ర దోషంతో కారణంగా ఇబ్బంది పడుతున్న వారు.. శివపార్వతులకు నిత్యం ప్రార్థనలు చేయాలి. శివుడు, పార్వతీ దేవీ ఆశీర్వాదాలు లభిస్తే.. కళత్ర దోష ప్రభావం తగ్గి, త్వరలోనే శుభవార్త వింటారని జ్యోతిష్కులు అంటున్నారు. ఆంధ్ర ప్రదేశ్​లోని శ్రీ కాళహస్తి ఆలయాన్ని సందర్శిస్తే ఇంకా మంచి ఫలితాలు లభిస్తాయని చెబుతున్నారు.