Jr NTR in Japan: జపాన్‍లో జూనియర్ ఎన్టీఆర్.. స్టైలిష్ లుక్‍లో మ్యాన్ ఆఫ్ మాసెస్

టాలీవుడ్ స్టార్ హీరో, మ్యాన్ ఆఫ్ మాసెస్ జూనియర్ ఎన్టీఆర్ హీరోగా నటించిన దేవర చిత్రం జపాన్‍లో విడుదలయ్యేందుకు సిద్ధమైంది. మార్చి 28న జపనీస్‍లో విడుదల కానుంది. ఈ మూవీ ప్రమోషన్ల కోసం జపాన్ వెళ్లారు ఎన్టీఆర్.

జపాన్‍ రాజధాని టోక్యోకు ఎన్టీఆర్ చేరుకున్నారు. స్టైలిష్ లుక్‍తో అదరగొట్టారు. బ్లాక్ టీషర్ట్‌పై వైట్ బ్లేజర్ ధరించి ఎలిగెంట్ లుక్‍లో కనిపించారు ఎన్టీఆర్.

టోక్యోలో స్టైలిష్ లుక్‍తో ఉన్న ఎన్టీఆర్ ఫొటోలను దేవర మూవీ టీమ్ పోస్ట్ చేసింది. సోషల్ మీడియాలో వైరల్‍గా మారాయి. అభిమానులు ఫుల్ హ్యాపీ అవుతున్నారు.

ఆర్ఆర్ఆర్ చిత్రంతో జపాన్‍లో ఎన్టీఆర్ చాలా పాపులర్ అయ్యారు. అక్కడ చాలా మంది ఎన్టీఆర్ అభిమానులుగా మారారు. దేవర జపాన్ రిలీజ్‍కు చాలా బజ్ కనిపిస్తోంది. అక్కడి మీడియాకు ఎన్టీఆర్, డైరెక్టర్ కొరటాల శివ ఇంటర్వ్యూ ఇచ్చారు.

దేవర సినిమా గతేడాది సెప్టెంబర్ 27న తెలుగుతో పాటు తమిళం, కన్నడ, మలయాళం, హిందీలో రిలీజైంది. సముద్రం బ్యాక్‍డ్రాప్‍లో సాగే ఈ యాక్షన్ చిత్రం రూ.500కోట్లకు పైగా కలెక్షన్లతో సూపర్ అయింది. ఇప్పుడు మరో నాలుగు రోజుల్లో ఈ మూవీ జపాన్‍లో విడుదల కానుంది. ఈ చిత్రంలో ఎన్టీఆర్ సరసన జాన్వీ కపూర్ నటించగా.. సైఫ్ అలీ ఖాన్ విలన్ పాత్ర చేశారు.