Jog Water Falls : రా రమ్మని.. రారా రమ్మని పిలుస్తున్న జోగ్ ఫాల్స్.. ఈ అందమైన ఫొటోలు మీరూ చూడండి

కర్ణాటకలోని జోగ్ వాటర్ ఫాల్స్ అద్భుతంగా ఉంటాయి. వర్షకాలంలో ఇక్కడికి వచ్చేవారి సంఖ్యం పెరుగుతుంది. చాలా ఎత్తున నుంచి నీరు కిందకు పడుతుంది. పైకి నీటి తుంపర్లుగా లేచి తగులుతుంది. ఈ సీన్ చూసేందుకు చాలా బాగుంటుంది.

వర్షకాలంలో ఈ జలపాతానికి నీరు అధికంగా వస్తుంది. తాజాగా మల్నాడు ప్రాంతంలో కురుస్తున్న భారీ వర్షాల కారణంగా లింగనమక్కి జలాశయం నుంచి నీటిని విడుదల చేస్తున్నారు. దీంతో జోగ్ జలపాతానికి పూర్వ వైభవం వచ్చింది.

శరావతి నది గుండా నీరు ప్రవహిస్తుంది. దీంతో జలపాతాల అందాలు చూడటానికి కనువిందు చేస్తున్నాయి.

ముఖ్యంగా జోగ్ ఫాల్స్‌ దగ్గరకు ఒక్కసారి వెళ్తే మళ్లీ మళ్లీ వెళ్లాలి అనిపిస్తుంది. నీరు కిందకు పడుతుంటే అనుభూతి అద్భుతంగా ఉంటుంది. వర్షాకాలంలో ఇలాంటి దృశ్యాన్ని చూసేందుకు చాలా మంది ఇష్టపడుతారు.

ఆంధ్రప్రదేశ్, తెలంగాణలోని పర్యాటకులు కూడా ఇక్కడకు వెళ్తారు. ఇతర రాష్ట్రాల ప్రజలు కూడా జోగ్ ఫాల్స్ చూసేందుకు ఆసక్తి చూపిస్తారు.

వృద్ధుల నుంచి చిన్నపిల్లల వరకు నీరు పై నుంచి కింద పడుతున్న క్షణాలను చూడటం ఆనందాన్ని కలిగిస్తుంది. ఇక్కడికి వచ్చిన వారు జోగ్ ఫాల్స్ చూసి మురిసిపోతుంటారు.

చాలా మంది జంటలు జోగ్ జలపాతం చూసేందుకు ఇష్టంగా వస్తుంటారు. ప్రియమైన వారితో ఇక్కడ కాసేపు గడుపుతుంటారు.