Janhvi Kapoor: జాన్వీ కపూర్ మరో తెలుగు సినిమా చేయనున్నారా?

జూనియర్ ఎన్టీఆర్ మూవీ దేవరతో టాలీవుడ్‍లోకి అడుగుపెడుతున్నారు బాలీవుడ్ యంగ్ హీరోయిన్ జాన్వీ కపూర్. ఈ చిత్రం సెప్టెంబర్ 27న రిలీజ్ కానుంది. మెగా పవర్ స్టార్ రామ్‍చరణ్‍ - డైరెక్టర్ బుచ్చిబాబు చిత్రంలోనూ (RC16)లోనూ జాన్వీ హీరోయిన్‍గా నటించనున్నారు. 

అయితే, మరో తెలుగు సినిమాలో హీరోయిన్‍గా నటించేందుకు జాన్వీ కపూర్‌కు ఛాన్స్ వచ్చినట్టు రూమర్లు వచ్చాయి. నేచురల్ స్టార్ నాని మూవీకి హీరోయిన్‍గా జాన్వీతో చర్చలు సాగుతున్నట్టు సమాచారం బయటికి వచ్చింది. 

తనకు దసరా లాంటి బ్లాక్‍బస్టర్ ఇచ్చిన డైరెక్టర్ శ్రీకాంత్ ఓదెలతో మరో మూవీ చేయనున్నారు నాని. ఈ చిత్రంలో హీరోయిన్‍గా చేసేందుకు మూవీ టీమ్ జాన్వీ కపూర్‌తో చర్చలు జరుపుతోందని సమాచారం. 

ఈ చర్చలు సఫలమైతే నానితో జాన్వీ రొమాన్స్ చేయనున్నారు. అయితే, జాన్వీ భారీగా రెమ్యూనరేషన్ అడుగుతున్నట్టు తెలుస్తోంది. ఈ విషయం ఫిక్స్ అయితే ఓ స్పష్టత వచ్చే అవకాశం ఉంది. ఈ చిత్రానికి ఓకే చెబితే తెలుగులో జాన్వీకి మూడో సినిమా కానుంది. 

నాని ప్రస్తుతం సరిపోదా శనివారం మూవీతో బిజీగా ఉన్నారు. ఈ చిత్రం ఆగస్టు 29వ తేదీన రిలీజ్ కానుంది. ఈ సినిమా తర్వాత శ్రీకాంత్ ఓదెలతోనే నాని మూవీ చేయనన్నారు.