Janhvi Kapoor: హాలీవుడ్ పిచ్చితో మ‌న సినిమాల్ని తక్కువ చేయద్దు - పుష్ప 2 ట్రోల‌ర్స్‌కు జాన్వీ క‌పూర్ ఘాటు రిప్లై

హాలీవుడ్ మూవీ ఇంట‌ర్‌స్టెల్లార్ రీ రిలీజ్ కోసం కేటాయించిన ప‌లు ఐమాక్స్‌ థియేట‌ర్ల‌ను పుష్ప 2కు ఇచ్చేశారు. పుష్ప 2 కంటే ఇంట‌ర్‌స్టెల్ల‌ర్‌ను రిలీజ్ చేస్తేనే బాగుండేదంటూ కొంద‌రు నెటిజ‌న్లు కామెంట్స్ చేస్తోన్నారు.  

ఈ నెగెటివ్ కామెంట్స్ చేసిన వారిపై దేవ‌ర హీరోయిన్ జాన్వీక‌పూర్ ఫైర్ అయ్యింది. హాలీవుడ్ సినిమాల వ్యామోహంలో మ‌న సినిమాల్ని త‌క్కువ చేయ‌ద్దు అంటూ కామెంట్స్ చేసింది. 

లార్జ‌ర్ దేన్ లైఫ్ కాన్సెప్ట్‌ల‌తో కూడిన రూటేడ్ సినిమాలను ఇత‌ర దేశాల వారు మెచ్చుకుంటుంటే, మ‌న వాళ్లు మాత్రం పుష్ప 2 లాంటి సినిమాల‌పై నెగెటివ్ కామెంట్స్ చేయ‌డం సిగ్గుచేటుగా ఉంద‌ని జాన్వీక‌పూర్ అన్న‌ది. 

పుష్ప 2 మూవీపై జాన్వీక‌పూర్ చేసిన కామెంట్స్ వైర‌ల్ అవుతోన్నాయి.

 దేవ‌ర మూవీతో హీరోయిన్‌గా టాలీవుడ్‌లోకి ఎంట్రీ ఇచ్చింది జాన్వీక‌పూర్‌. ఎన్టీఆర్ హీరోగా న‌టించిన ఈ మూవీ బాక్సాఫీస్ వ‌ద్ద ఐదు వంద‌ల కోట్ల క‌లెక్ష‌న్స్ సాధించింది. 

దేవ‌ర త‌ర్వాత తెలుగులో రామ్‌చ‌ర‌ణ్‌తో ఓ సినిమా చేస్తోంది జాన్వీక‌పూర్‌. ఈ సినిమాకు ఉప్పెన ఫేమ్ బుచ్చిబాబు ద‌ర్శ‌క‌త్వం వ‌హిస్తోన్నాడు.