J and K assembly polls: జమ్ముకశ్మీర్ లో ప్రశాంతంగా ముగిసిన తొలి దశ పోలింగ్; భారీగా తరలివచ్చిన ఓటర్లు

మొదటి దశ అసెంబ్లీ ఎన్నికల సందర్భంగా కేంద్రపాలిత ప్రాంతమైన జమ్ముకశ్మీర్లోని కుల్గామ్ లోని పోలింగ్ కేంద్రం ముందు ఓటర్లు క్యూ కట్టారు. సాయంత్రం 5 గంటల సమయానికి 58.19 శాతం పోలింగ్ నమోదైంది.

ఓటరు గుర్తింపు సమస్యలపై నిరసన కారణంగా కిష్త్వార్లోని బాగ్వాన్ మొహల్లాలోని పోలింగ్ కేంద్రంలో కొద్దిసేపు పోలింగ్ ను నిలిపివేసినప్పటికీ కొద్దిసేపటికే తిరిగి ప్రారంభించారు.

కుల్గాంలో ఓటు వేసేందుకు మహిళలు తమ పిల్లలతో క్యూలో నిరీక్షించారు. మూడు అసెంబ్లీ నియోజకవర్గాలున్న జిల్లాలో సాయంత్రం 5 గంటల సమయానికి అత్యధికంగా డీహెచ్ పోరాలో 65.21 శాతం పోలింగ్ నమోదైంది.

పొడవైన క్యూలు కనిపించడంతో అధిక పోలింగ్ నమోదవుతుందని అధికారులు ఆశాభావం వ్యక్తం చేశారు. 90 మంది ఇండిపెండెంట్లతో సహా 219 మంది అభ్యర్థులు ఈ ఎన్నికల బరిలో ఉన్నారు. ఇక్కడ మొత్తం 23 లక్షలకు పైగా ఓటర్లున్నారు.

జమ్మూకశ్మీర్లో సెప్టెంబర్ 25న రెండో దశ, అక్టోబర్ 1న మూడో దశ పోలింగ్ జరగనుంది.

జమ్ముకశ్మీర్ అసెంబ్లీ ఎన్నికల తొలి దశ పోలింగ్ కోసం కశ్మీరీ వలసదారులు ఢిల్లీలోని ప్రత్యేక పోలింగ్ బూత్ లో ఓటు వేశారు.

కిష్త్వార్లో సాయంత్రం 5 గంటల సమయానికి అత్యధికంగా 77.23 శాతం పోలింగ్ నమోదైంది. పుల్వామాలో అత్యల్పంగా 43.87 శాతం పోలింగ్ నమోదైంది.