IPL 2025 Virat Kohli Records: ఫస్ట్ మ్యాచ్ లోనే హిస్టరీ క్రియేట్ చేసిన కోహ్లి.. ఐపీఎల్ లో రికార్డుల మోత.. ఓ లుక్కేయండి

కోహ్లి 400 టీ20ల మైల్ స్టోన్ రీచ్ అయ్యాడు. టీ20 ఫార్మాట్లో కేకేఆర్ తో పోరు కోహ్లీకి 400వ మ్యాచ్. అంతర్జాతీయ టీ20ల్లో ఇండియాకు 125 మ్యాచ్ లాడిన విరాట్.. ఆర్సీబీ తరపున 268 మ్యాచ్ లాడాడు.

టీ20 ఫార్మాట్లో 400 మ్యాచ్ లు ఆడిన మూడో ఇండియన్ ప్లేయర్ గా కోహ్లి నిలిచాడు. రోహిత్ శర్మ (448), దినేశ్ కార్తీక్ (412) తొలి రెండు స్థానాల్లో కొనసాగుతున్నారు.

400 టీ20లు, 300 వన్డేలు, 100 టెస్టులాడిన తొలి భారత క్రికెటర్ గా విరాట్ కోహ్లి నిలిచాడు. ఇటీవల ఛాంపియన్స్ ట్రోఫీలో న్యూజిలాండ్ తో మ్యాచ్ కోహ్లీకి వన్డేల్లో 300 కంప్లీట్ చేశాడు. 2022 లో శ్రీలంకపై 100వ టెెస్టు ఆడాడు.

ఐపీఎల్ ఆరంభం నుంచి ఒకే టీమ్ కు ఆడుతున్న ఏకైక ఆటగాడిగా కోహ్లి నిలిచాడు. 18 సీజన్లు పాటు అతను ఆర్సీబీతోనే ఉన్నాడు. ఈ ఫీట్ సాధించిన కోహ్లీని ఐపీఎల్ 2025 ఓపెనింగ్ సెర్మనీలో ప్రత్యేకంగా సన్మానించారు.

ఐపీఎల్ హిస్టరీలో కేకేఆర్ పై కోహ్లి 1000 పరుగులు కంప్లీట్ చేశాడు. అంతకంటే ముందు సీఎస్కే, ఢిల్లీ, పంజాబ్ పై కోహ్లి ఈ ఫీట్ సాధించాడు. ఐపీఎల్ లో 4 జట్లపై 1000 పరుగులు చేసిన తొలి ఆటగాడు కోహ్లి.