IPL 2025 Points Table: ఒక్కో మ్యాచ్ కంప్లీట్.. టాప్ లో ఎవరంటే?.. ఐపీఎల్ పాయింట్స్ టేబుల్ పై ఓ లుక్కేయండి

ఐపీఎల్ 2025లో ప్రస్తుతం స‌న్‌రైజ‌ర్స్ హైద‌రాబాద్‌ టాప్ ప్లేస్ లో కొనసాగుతోంది. ఉప్పల్ లో రాజస్థాన్ రాయల్స్ పై ఆ టీమ్ భారీ విజయం సాధించింది. ఇషాన్ కిషన్ మెరుపు సెంచరీతో స‌న్‌రైజ‌ర్స్ ఫస్ట్ 286 పరుగులు చేసింది. ఆ టీమ్ నెట్ రన్ రేట్ 2.200గా ఉంది.

ఐపీఎల్ 2025 ఆరంభ మ్యాచ్ లో ఈడెన్ గార్డెన్స్ కు షాకిచ్చిన ఆర్సీబీ.. ఈ సీజన్ ను ఘనంగా మొదలెట్టింది. ఆ టీమ్ 2.137 రన్ రేట్ తో సెకండ్ ప్లేస్ లో ఉంది. ఆ మ్యాచ్ లో ఫిల్ సాల్ట్, కింగ్ కోహ్లి చెలరేగారు.

కెప్టెన్ శ్రేయస్ అయ్యర్, శశాంక్ సింగ్, ప్రియాన్ష్ ఆర్య మెరుపులతో పంజాబ్ కింగ్స్ ఐపీఎల్ 2025లో గెలుపు బోణీ కొట్టింది. గుజరాత్ టైటాన్స్ ను ఓడించిన పంజాబ్ 0.550 నెట్ రన్ రేట్ తో మూడో స్థానంలో ఉంది.

అయిదు సార్లు ఛాంపియన్ చెన్నై సూపర్ కింగ్స్ కూడా గెలుపుతో ఈ సీజన్ ను మొదలెట్టింది. చెపాక్ లో ముంబయి ఇండియన్స్ ను చిత్తుచేసింది. బౌలింగ్ లో నూర్ అహ్మద్.. బ్యాటింగ్ తో కెప్టెన్ రుతురాజ్, రచిన్ రవీంద్ర మెరిశారు. 0.493 నెట్ రన్ రేట్ తో ఆ టీమ్ నాలుగో ప్లేస్ లో ఉంది.

వైజాగ్ లో లక్నో సూపర్ జెయింట్స్ పై థ్రిల్లింగ్ విక్టరీ సాధించిన ఢిల్లీ క్యాపిటల్స్ టేబుల్లో అయిదో ప్లేస్ లో ఉంది. అశుతోష్ శర్మ సెన్సేషనల్ ఇన్నింగ్స్ తో ఢిల్లీ 1 వికెట్ తేడాతో గెలిచింది. ఆ టీమ్ నెట్ రన్ రేట్ 0.371గా ఉంది. ఇక ఇంకా బోణీ కొట్టని లక్నో, ముంబయి, గుజరాత్, కోల్ కతా, రాజస్థాన్ వరుసగా 6 నుంచి 10 స్థానాల్లో కొనసాగుతున్నాయి.