IPL 2025 Tickets Sale: ఐపీఎల్ టికెట్లు కావాలా.. ఎప్పుడు? ఎక్కడ? దొరుకుతాయంటే? రేట్ ఎంతో తెలుసుకోవాలంటే ఓ లుక్కేయండి

ఉప్పల్ లో ఐపీఎల్ మ్యాచ్ లో చూడాలనుకునే ఫ్యాన్స్ కు గుడ్ న్యూస్. ఇప్పటికే మార్చి 23న ఈ స్టేడియంలో రాజస్థాన్ తో సన్ రైజర్స్ మ్యాచ్ టికెట్ల సేల్ స్టార్ట్ అయింది. ఇక్కడ జరిగే అన్ని మ్యాచ్ లకు డిస్ట్రిక్ట్ బై జొమాటో యాప్ (https://www.district.in/events/ipl-ticket-booking) లో టికెట్లు కొనొచ్చు. ప్రైస్ రేంజ్ రూ.2750 నుంచి రూ.30 వేల మధ్య ఉంది. వైజాగ్ లో ఢిల్లీ ఆడే మ్యాచ్ లు.. గుజరాత్ టైటాన్స్, పంజాబ్ కింగ్స్ మ్యాచ్ ల టికెట్లూ ఇదే వెబ్ సైట్లో ఉంటాయి. 

సీఎస్కే ఆడుతుందంటే ధోనీని చూసేందుకు ఫ్యాన్స్ స్టేడియాలకు ఎగబడుతుంటారు. ఈ సీజన్లో చెపాక్ లో ముంబయితో ఆ టీమ్ మార్చి 23న తొలి మ్యాచ్ ఆడనుంది. ఆ మ్యాచ్ టికెట్లు మార్చి 19 నుంచి chennaisuperkings.com, district.in వెబ్ సైట్లో ఉంటాయి. రూ.1700 నుంచి టికెట్ రేట్ స్టార్ట్ అవుతుంది. 

ఐపీఎల్ టైటిల్ వేట కొనసాగిస్తూనే ఉన్న ఆర్సీబీ ఈ సీజన్ కల నెరవేర్చుకుంటుందేమో చూడాలి. బెంగళూరులోని చిన్నస్వామి స్టేడియంలో ఆ టీమ్ ఆడే మ్యాచ్ ల టికెట్లు https://www.royalchallengers.com వెబ్ సైట్లో కొనుక్కోవచ్చు. రేటు రూ.3 వేల నుంచి రూ.30 వేల మధ్యలో ఉండనుంది. 

ముంబయి ఇండియన్స్ టికెట్లు bookmyshow.com వెబ్ సైట్లో కొనుక్కోవచ్చు. వాంఖడే స్టేడియంలో జరిగే ఈ మ్యాచ్ ల టికెట్లు ఇందులో అందుబాటులో ఉంటాయి. టికెట్ రేట్ రూ.999 నుంచి స్టార్ అవుతుంది.  

డిఫెండింగ్ ఛాంపియన్ కేకేఆర్ ఈడెన్ గార్డెన్స్ లో ఆడే టికెట్లు కూడా బుక్ మై షోలో ఉన్నాయి. మార్చి 22న సీజన్ స్టార్టింగ్ మ్యాచ్ ఇదే మైదానంలో కేకేఆర్, ఆర్సీబీ మధ్య జరుగుతుంది. ఈ టికెట్ల రేట్ రూ.900 నుంచి స్టార్ట్ అవుతుంది. రాజస్థాన్ రాయల్స్ మ్యాచ్ టికెట్లూ బుక్ మై షో లోనే ఉన్నాయి.