IPL 2025 CSK vs RCB Head to Head Records: సీఎస్కే వర్సెస్ ఆర్సీబీ.. హెడ్ టు హెడ్ రికార్డులు ఇలా.. ఎవరిది పైచేయి?

ఐపీఎల్ హిస్టరీలో ఇప్పటివరకూ చెన్నై సూపర్ కింగ్స్, రాయల్ ఛాలెంజర్స్ బెంగళూరు 33 మ్యాచ్ ల్లో తలపడ్డాయి. ఈ రెండు జట్ల మధ్య పోరు ఫ్యాన్స్ కు మంచి కిక్ ఇస్తున్నాయి.

సీఎస్కే జట్టులో ధోని, ఆర్సీబీ జట్టులో కోహ్లి స్పెషల్ ఎట్రాక్షన్. ఐపీఎల్ లో ఈ రెండు జట్ల మధ్య పోరులో సీఎస్కేదే పైచేయి. ఆ టీమ్ 21 మ్యాచ్ ల్లో గెలిచింది. ఆర్సీబీ 11 మ్యాచ్ ల్లో విజయం సాధించింది. ఓ మ్యాచ్ లో ఫలితం తేలలేదు.

ఇక ఈ రోజు మ్యాచ్ జరిగే చెపాక్ లో ఆర్సీబీ కి చెత్త రికార్డు ఉంది. 2008 తర్వాత చెన్నైలో ఆర్సీబీ ఇప్పటివరకూ విజయం సాధించలేదు. ఇక్కడ జరిగిన 9 మ్యాచ్ ల్లో సీఎస్కే 8 గెలిచింది. ఆర్సీబీ ఓ మ్యాచ్ లో మాత్రమే నెగ్గింది.

ఐపీఎల్ 2025లో సీఎస్కే, ఆర్సీబీ శుభారంభం చేశాయి. సీజన్ ఓపెనింగ్ మ్యాచ్ లో డిఫెండింగ్ ఛాంపియన్ కోల్ కతా నైడ్ రైడర్స్ పై ఆర్సీబీ విజయం సాధించింది. ఆ మ్యాచ్ లో కోహ్లి, ఫిల్ సాల్ట్ చెలరేగారు.

చెపాక్ లో జరిగిన మ్యాచ్ లో చెన్నై సూపర్ కింగ్స్.. ముంబయి ఇండియన్స్ ను ఓడించింది. బౌలింగ్ లో నూర్ అహ్మద్.. బ్యాటింగ్ లో రుతురాజ్ గైక్వాడ్, రచిన్ రవీంద్ర అదరగొట్టి సీఎస్కేను గెలిపించారు.