గ‌ర్ల్‌ఫ్రెండ్‌తో స్టార్ క్రికెట‌ర్ కుల్‌దీప్ ఎంగేజ్‌మెంట్‌.. క్యూట్ జోడీ.. ఫొటోలు వైర‌ల్

ఇండియన్ స్టార్ స్పిన్నర్ కుల్ దీప్ యాదవ్ ఎంగేజ్ మెంట్ జరిగింది. చిన్ననాటి ఫ్రెండ్ వంశికతో అతని నిశ్చితార్థం ఘనంగా జరిగింది.

బుధవారం (జూన్ 4) లక్నోలో అత్యంత సన్నిహితులు సమక్షంలో కుల్ దీప్ యాదవ్ నిశ్చితార్థ వేడుక ఘనంగా జరిగింది. ఈ వేడుకలో కుల్ దీప్, వంశిక మెరిసిపోయారు.

రింగ్ లు మార్చుకున్న కుల్ దీప్ యాదవ్, వంశిక సంతోషంలో మునిగిపోయారు. ఇలా నవ్వులు చిందిస్తూ సెల్పీ తీసుకున్నారు. లక్నోలోని శ్యామ్ నగర్ కు చెందిన వంశిక ఎల్ఐసీలో పనిచేస్తోంది. చిన్నప్పటి నుంచి ఇద్దరికీ పరిచయం ఉంది. ఆ స్నేహం ప్రేమగా మారి పెళ్లికి దారితీసింది.

కుల్ దీప్, వంశిక ఎంగేజ్ మెంట్ వేడుకకు టీమిండియా క్రికెటర్ రింకు సింగ్ అటెండ్ అయ్యాడు. కుల్ దీప్, వంశిక జోడీకి శుభాకాంక్షలు తెలిపాడు.

ఎంపీ ప్రియ సరోజ్ కూడా కుల్ దీప్, వంశిక ఎంగేజ్ మెంట్ వేడుకకు హాజరైంది. రింకు సింగ్, ప్రియ సరోజ్ పెళ్లి చేసుకోబోతున్నారనే వార్తలు వస్తున్న సంగతి తెలిసిందే. మరోవైపు ఇంగ్లాండ్ టూర్ కు టీమిండియాకు కుల్ దీప్ ఎంపికయ్యాడు.