తెలుగు న్యూస్ / ఫోటో /
Cancer Medicine: క్యాన్సర్‌కు మందు కనిపెట్టిన భారతీయ పరిశోధకులు, ధర తెలిస్తే ఆశ్చర్యపోతారు
Feb 28, 2024, 03:30 PM , IST
క్యాన్సర్ ఒక్కసారి వచ్చిందంటే మళ్లీ రెండోసారి శరీరంపై దాడి చేయడానికి సిద్ధంగా ఉంటుంది. క్యాన్సర్ రెండోసారి రాకుండా అడ్డుకునే మందును ముంబైలోని టాటా ఇనిస్టిట్యూట్ ఆఫ్ టెక్నాలజీ పరిశోధకులు అభివృద్ధి చేశారు.
(1 / 5)
భయంకరమైన రోగాల్లో క్యాన్సర్ ఒకటి. దీనికి ఇంతవరకు ఎలాంటి మందును కనిపెట్టలేకపోయారు. ఇప్పుడు తొలిసారి క్యాన్సర్ కు ఔషధాన్ని కనిపెట్టారు. ఈ ఔషధం రెండో సారి క్యాన్సర్ రాకుండా అడ్డుకుంటుంది. అలాగే రోగి శరీరంలో క్యాన్సర్ చికిత్స వల్ల కలిగే దుష్ప్రభావాల ప్రభావాన్ని కూడా తగ్గిస్తుందని పేర్కొన్నారు. అంటే, కీమోథెరపీ లేదా రేడియేషన్ వంటి వైద్య విధానాల దుష్ప్రభావాలు 50 శాతం తక్కువగా ఉంటాయి.
(2 / 5)
ముంబైలోని టాటా మెమోరియల్ ఆస్పత్రికి చెందిన డాక్టర్ రాజేంద్ర బద్వే ఎన్డీటీవీకి ఇచ్చిన ఇంటర్వ్యూలో మాట్లాడుతూ ఈ ఔషధాన్ని తయారు చేయడానికి మానవ క్యాన్సర్ కణాలను ఎలుకల్లోకి చొప్పించారు. అప్పుడు వాటి శరీరంలో కణితులు పుట్టాయి. అనంతరం ఎలుకలకు శస్త్రచికిత్స, కీమోథెరపీ, రేడియేషన్ చేశారు. ఈ క్యాన్సర్ కణం చనిపోయినప్పుడు అది క్రోమాటిన్ అనే పదార్థంగా మారి శరీరంలోని ఇతర భాగాలకు వెళ్లి అక్కడి కణాలను క్యాన్సర్ కణాలుగా మారుస్తుందని కనుగొన్నారు. '
(3 / 5)
ఈ సమస్యను పరిష్కరించడానికి వైద్యులు క్యాన్సర్ ఎలుకల శరీరానికి రెస్వెరాట్రాల్ రాగితో చేసిన ప్రో-ఆక్సిడెంట్ మాత్రలను ఇచ్చారు. ఈ క్యాన్సర్ పై పదేళ్లుగా అధ్యయనం జరుగుతోంది. ఈ ఔషధం ఫలితంగా, శరీరంలో చనిపోయిన క్యాన్సర్ కణాలు తిరిగి పెరగవు.
(4 / 5)
టాటా ఇనిస్టిట్యూట్ పరిశోధకులు అభివృద్ధి చేసిన ఈ ఔషధం ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా అనుమతి కోసం ఎదురుచూస్తోంది. త్వరలోనే ఈ ఔషధానికి ఆమోదం లభించే అవకాశం ఉంది. ఆ తర్వాత జూన్-జూలై నుంచి మార్కెట్లో అందుబాటులో ఉంటుంది. ఈ ఔషధం ధర కేవలం వంద రూపాయలు మాత్రమే. పేదవారికి ఇది అందుబాటు ధరలోనే ఉంటుంది.
ఇతర గ్యాలరీలు