Team India: ఇవాళ మహిళల అండర్ 19 టీ20 వరల్డ్ కప్ ఫైనల్, భారత్-ఇంగ్లాండ్ పురుషుల 5వ టీ20 మ్యాచ్‌లు ఎక్కడ చూడాలంటే?

ఒకవైపు అండర్-19 మహిళల టీ20 ప్రపంచకప్ ఫైనల్, మరోవైపు ఇంగ్లాండ్‌తో సూర్యకుమార్ యాదవ్ నేతృత్వంలోని టీ20 సిరీస్‌లోని చివరి మ్యాచ్ రెండు ముఖ్యమైనవి. ఈ రెండు క్రికెట్ మ్యాచ్‌లలో భారత్ పాల్గొంటోంది. భారత్ vs దక్షిణాఫ్రికా మహిళల అండర్-19 టీ20 ప్రపంచకప్ ఫైనల్, భారత్ vs ఇంగ్లాండ్ టీ20 సిరీస్‌లోని చివరి మ్యాచ్ ఎప్పుడు, ఎక్కడ, ఏ సమయంలో జరుగుతుందో చూద్దాం. ఏ ఛానెల్‌లో, ఏ ఓటీటీలో ఈ మ్యాచ్‌లను ఎలా చూడాలి అనేది ఇక్కడ తెలుసుకుందాం. 

భారత్ వర్సెస్ దక్షిణాఫ్రికా మహిళల అండర్-19 టీ20 ప్రపంచకప్ ఫైనల్ మ్యాచ్ ఫిబ్రవరి 2వ తేది అంటే ఇవాళ జరగనుంది. ఫైనల్ మ్యాచ్ క్వాలా లంపూర్‌లోని బెయుమాస్ ఓవల్‌లో జరుగుతుంది. టోర్నమెంట్‌లోని ఈ టైటిల్ పోరు భారత కాలమానం ప్రకారం మధ్యాహ్నం 12 గంటలకు ప్రారంభమవుతుంది. టాస్ 30 నిమిషాల ముందు, అంటే 11:30 గంటలకు జరుగుతుంది. 

భారత్ వర్సెస్ ఇంగ్లాండ్ సిరీస్‌లోని 5వ అలాగే చివరి టీ20 మ్యాచ్ ఫిబ్రవరి 2వ తేది (ఆదివారం) నాడు జరగనుంది. ఈ మ్యాచ్ ముంబైలోని వాంఖేడే స్టేడియంలో జరుగుతుంది. ఈ హై-వోల్టేజ్ మ్యాచ్ భారత కాలమానం ప్రకారం సాయంత్రం 7 గంటలకు ప్రారంభమవుతుంది. టాస్ 30 నిమిషాల ముందు, అంటే సాయంత్రం 6:30 గంటలకు జరుగుతుంది. 

భారత్ వర్సెస్ దక్షిణాఫ్రికా మహిళల అండర్-19 టీ20 ప్రపంచకప్ ఫైనల్ మ్యాచ్ భారతదేశంలో స్టార్ స్పోర్ట్స్ నెట్‌వర్క్‌లో ప్రత్యక్ష ప్రసారం కానుంది. ఈ మ్యాచ్‌ను స్టార్ స్పోర్ట్స్ 2, స్టార్ స్పోర్ట్స్ 2 HD ఛానెల్‌లలో చూడవచ్చు. అంతేకాకుండా, మహిళల అండర్-19 టీ20 ప్రపంచకప్ మ్యాచ్‌ల లైవ్ స్ట్రీమింగ్ డిస్నీ ప్లస్ హాట్‌స్టార్‌ ఓటీటీలో కూడా అందుబాటులో ఉంటుంది. అంటే, భారత్-దక్షిణాఫ్రికా ఫైనల్ మ్యాచ్‌ను డిస్నీ ప్లస్ హాట్‌స్టార్ యాప్ లేదా వెబ్‌సైట్‌లో ఉచితంగా చూడవచ్చు. మ్యాచ్‌కు సంబంధించిన అన్ని వార్తలు, అప్డేట్స్ మీరు ఇక్కడ తెలుసుకోవచ్చు. 

భారత్ వర్సెస్ ఇంగ్లాండ్ సిరీస్‌లోని 5వ టీ20 మ్యాచ్ భారతదేశంలో స్టార్ స్పోర్ట్స్ నెట్‌వర్క్‌లో ప్రత్యక్ష ప్రసారం అవనుంది. టోర్నమెంట్ లైవ్ స్ట్రీమింగ్ డిస్నీ ప్లస్ హాట్‌స్టార్‌ ఓటీటీలో అందుబాటులో ఉంటుంది. అంటే, ఈ మ్యాచ్‌ను హాట్‌స్టార్ యాప్, వెబ్‌సైట్‌లో ఉచితంగా చూడవచ్చు. మ్యాచ్‌కు సంబంధించిన అన్ని వార్తలు, స్కోర్ వంటి అప్డేట్స్‌ను ఇక్కడ చూస్తూ ఎంజాయ్ చేయొచ్చు.