IND vs BAN Live Streaming: భారత్, బంగ్లాదేశ్ మధ్య తొలి టెస్టు లైవ్ ఎక్కడ చూడొచ్చు? టైమ్, హెడ్ టూ హెడ్ వివరాలివే

టీమిండియా సుమారు ఆరు నెలల తర్వాత మళ్లీ టెస్టు క్రికెట్ బరిలోకి దిగుతోంది. బంగ్లాదేశ్‍తో టీమిండియా రెండు టెస్టుల సిరీస్ రేపు (సెప్టెంబర్ 19) మొదలుకానుంది. రోహిత్ శర్మ సారథ్యంలో భారత్ పూర్తిగా సిద్ధమైంది. 

టీమిండియా, బంగ్లాదేశ్ మధ్య రేపు (సెప్టెంబర్ 19) తొలి టెస్టు మొదలుకానుంది. చెన్నైలోని చెపాక్ ఎంఏ చిదంబరం స్టేడియంలో ఈ మ్యాజ్ జరగనుంది. రేపు ఉదయం 9 గంటల 30 నిమిషాలకు ఈ టెస్టు మొదలుకానుంది. అరగంట ముందు 9 గంటలకు టాస్ పడుతుంది. 

లైవ్ వివరాలు: భారత్, బంగ్లాదేశ్ మధ్య తొలి టెస్టు స్పోర్ట్స్ 18 నెట్‍వర్క్ టీవీ ఛానెల్‍లో లైవ్ టెలికాస్ట్ అవనుంది. డిజిటల్ విషయానికి వస్తే.. జియోసినిమా ఓటీటీ ప్లాట్‍పామ్‍లో లైవ్ స్ట్రీమింగ్ చూడొచ్చు. 

హెడ్ టూ హెడ్: టెస్టు క్రికెట్‍లో భారత్, బంగ్లాదేశ్ ఇప్పటి వరకు 13 మ్యాచ్‍ల్లో తలపడ్డాయి. ఇందులో టీమిండియా 11 టెస్టుల్లో గెలిచింది. రెండు డ్రా అయ్యాయి. టెస్టు చరిత్రలో భారత్‍పై బంగ్లాదేశ్ ఒక్క మ్యాచ్ కూడా గెలువలేదు. 

తొలి టెస్టు కోసం చెపాక్ స్టేడియంలో భారత్, బంగ్లాదేశ్ ఆటగాళ్లు ముమ్మరంగా ప్రాక్టీస్ చేశారు. కెప్టెన్ రోహిత్ శర్మ, స్టార్ ప్లేయర్ విరాట్ కోహ్లీ సహా మరికొందరు భారత ప్లేయర్లు నెట్స్‌లో చెమటోడ్చారు. 21 నెలల తర్వాత భారత టెస్టు జట్టులోకి వికెట్ కీపర్ బ్యాటర్ రిషబ్ పంత్ వచ్చేశాడు.