ప్రధాని మోదీకి భూటాన్​ అత్యున్నత పౌర పురస్కారం..

భూటాన్ రాజు జిగ్మే ఖేసర్ నాంగ్యెల్ వాంగ్ చుక్, ప్రధాని షెరింగ్ టోబ్గేలు.. థింపులో మోదీకి విడ్కోలు పలికారు.

భూటాన్ 13వ పంచవర్ష ప్రణాళిక కోసం ప్రధాని నరేంద్ర మోదీ 10,000 కోట్ల రూపాయల సహాయ ప్యాకేజీని ప్రకటించారు, ఇది రెండు దేశాల మధ్య బంధాన్ని మరింత బలోపేతం చేసింది. 

ప్రధాని నరేంద్ర మోదీకి భూటాన్ అత్యున్నత పౌర పురస్కారం 'ఆర్డర్ ఆఫ్ ది డ్రక్ గ్యాల్పో' లభించింది. ఈ అవార్డును అందుకున్న తొలి విదేశీ ప్రతినిధిగా, నాలుగో వ్యక్తిగా మోదీ నిలిచారు. 

రెండు రోజుల పర్యటనలో ప్రధాని మోదీ., భూటాన్ ప్రధాని టోబ్గే ద్వైపాక్షిక ఇంధన సహకారానికి సంబంధించిన అన్ని అంశాలను సమీక్షించారు. 1200 మెగావాట్ల పునత్సాంగ్చు-1 జలవిద్యుత్ ప్రాజెక్టుపై నిపుణుల స్థాయి చర్చలను వారు స్వాగతించారు. ఈ ఏడాది చివర్లో 1020 మెగావాట్ల పునత్సంఘు-2 జలవిద్యుత్ ప్రాజెక్టును ప్రారంభించాలని ఆశాభావం వ్యక్తం చేశారు.