In Pics : అమెరికా అధ్యక్షుడిగా డోనాల్డ్ ట్రంప్ ప్రమాణస్వీకారోత్సవంలో మెరిసిన ప్రముఖులు

మెటా సీఈఓ మార్క్ జుకర్ బర్గ్, అమెజాన్ వ్యవస్థాపకుడు జెఫ్ బెజోస్, గూగుల్ సీఈవో సుందర్ పిచాయ్, టెస్లా అధినేత ఎలాన్ మస్క్ సహా పలువురు ప్రముఖులు సోమవారం యూఎస్ క్యాపిటల్ భవనం వద్ద కనిపించారు.

వాషింగ్టన్ డీసీలోని యూఎస్ క్యాపిటల్ రోటుండాలో డొనాల్డ్ ట్రంప్ 47వ అధ్యక్షుడిగా ప్రమాణ స్వీకారం చేసిన కార్యక్రమానికి గూగుల్ సీఈఓ సుందర్ పిచాయ్, టెస్లా సీఈఓ ఎలాన్ మస్క్ వచ్చారు. వీరద్దరు కాసేపు ముచ్చటించారు.

లారెన్ శాంచెజ్, అమెజాన్ వ్యవస్థాపకుడు జెఫ్ బెజోస్ డొనాల్డ్ ట్రంప్ ప్రమాణ స్వీకారానికి హాజరయ్యారు. ప్రత్యేక ఆకర్షణగా నిలిచారు.

మెటా సీఈఓ మార్క్ జుకర్ బర్గ్ కూడా ఈ కార్యక్రమానికి హాజరయ్యారు. ట్రంప్ ప్రమాణస్వీకారోత్సవంలో కొన్ని కార్యక్రమాలు రద్దు అయ్యాయి. తీవ్రమైన చలి కారణంగా బహిరంగ వేడుకలు, కార్యక్రమాలు రద్దు చేశారు.

అమెరికా మాజీ అధ్యక్షుడు జో బైడెన్, జిల్ బైడెన్ ప్రమాణ స్వీకారంలో ఫొటోలకు పోజులిచ్చారు.

డోనాల్డ్ ట్రంప్ ప్రమాణ స్వీకార కార్యక్రమంలో మాజీ అధ్యక్షుడు జార్జ్ డబ్ల్యూ బుష్, ఆయన సతీమణి లారా బుష్, మాజీ అధ్యక్షుడు బరాక్ ఒబామా పాల్గొన్నారు.

అర్జెంటీనా అధ్యక్షుడు జేవియర్ మిలీ యూఎస్ క్యాపిటల్‌లోని రొటుండా వద్ద అమెరికా ప్రతినిధి కాట్ కామాక్ తో కలిసి కనిపించారు.