మరో మూడు రోజుల్లో శుక్రుడు, శని నుంచి ఈ రాశులకు వరాల జల్లు.. వివాహం, అందమైన ప్రేమ జీవితం, డబ్బుతో పాటు ఎన్నో!

జ్యోతిష్య శాస్త్రం ప్రకారం శని దేవుడు మకర, కుంభ రాశులకు అధిపతి. శుక్రుడు విలాసాలకు, ధనానికి, సంతోషానికి కారకుడు. త్వరలో శుక్రుడు, శని కలిసి శుభయోగాన్ని ఏర్పరుస్తున్నారు. ఈ శుభయోగం కొన్ని రాశుల వారికి కలిసి రాబోతోంది. శని నీతిమంతుడు. మనం చేసే మంచి పనులకు మంచి ఫలితాలను, చెడు పనులకు చెడు ఫలితాలని అందిస్తాడు. శని ప్రస్తుతం తిరుగమనంలో ఉన్నాడు. ఇప్పుడు కేంద్ర యోగాన్ని ఏర్పరుస్తున్నాడు.

శుక్రుడు, శని 90 డిగ్రీల దగ్గర సంయోగం చెందుతారు. ఆగస్టు 1న రాత్రి 7:01కి ఈ కేంద్ర యోగం ఏర్పడుతుంది. ఈ కేంద్ర యోగంతో మూడు రాశుల వారికి శుభ ఫలితాలు ఎదురవుతాయి. కేంద్ర యోగం కొన్ని రాశుల వారికి అదృష్టాన్ని తీసుకువస్తుంది.
కెరీర్‌లో, వ్యాపారంలో బాగా కలిసి వస్తుంది.

మేష రాశి: మేష రాశి వారికి కేంద్ర యోగం కలిసి వస్తుంది. కష్టానికి తగ్గ ఫలితం అందుకుంటారు. కాంపిటేటివ్ పరీక్షలకు ప్రిపేర్ అవుతున్న వారికి ఈ సమయం కలిసి వస్తుంది. ఆదాయం పెరుగుతుంది. జీవిత భాగస్వామితో సంతోషంగా ఉంటారు.

మిధున రాశి: మిధున రాశి వారికి కేంద్ర యోగం బాగా కలిసి వస్తుంది. పూర్వీకుల నుంచి ఆస్తి వస్తుంది. సమాజంలో గౌరవ, మర్యాదలు పెరుగుతాయి. పెద్ద నిర్ణయాలు తీసుకుంటారు. కొత్త అవకాశాలు వెతుక్కుంటూ వస్తాయి.

కుంభ రాశి: కుంభ రాశి వారికి కేంద్ర యోగం శుభ ఫలితాలను అందిస్తుంది. ఈ సమయంలో ఈ రాశి వారి ప్రేమ జీవితం బాగుంటుంది. పెళ్లి కాని వారికి పెళ్లి కుదిరే అవకాశం ఉంది. జీతం పెరుగుతుంది. కొత్త ఉద్యోగం వస్తుంది.