Akshay Kumar on Kannappa: కన్నప్ప చిత్రాన్ని రెండుసార్లు తిరస్కరించా.. కానీ: అక్షయ్ కుమార్

మంచు విష్ణు ప్రధాన పాత్రలో కన్నప్ప చిత్రం వస్తోంది. ఈ మైథలాజికల్ మూవీలో శివుడిగా బాలీవుడ్ స్టార్ అక్షయ్ కుమార్ నటించారు. ఈ సినిమా నుంచి టీజర్ మార్చి 1న రిలీజ్ కానుంది. అంతకు ముందే నేడు ముంబైలో మీడియా ప్రతినిధులకు ప్రత్యేకంగా హిందీ టీజర్ ప్రదర్శన జరిగింది. 

కన్నప్ప టీజర్ ఈవెంట్‍లో అక్షయ్ కుమార్ మాట్లాడారు. తాను ఈ మూవీని ముందు రెండుసార్లు తిరస్కరించానని అన్నారు. ఆ తర్వాత ఎందుకు ఓకే చెప్పానో కూడా వెల్లడించారు.

కన్నప్పలో శివుడి పాత్ర చేసేందుకు ముందు రిజెక్ట్ చేశానని, కానీ తానే సరిపోతానని విష్ణు నచ్చజెప్పటంతో అంగీకరించానని అక్షయ్ తెలిపారు. “నేను ఈ ఆఫర్‌ను రెండుసార్లు రిజెక్ట్ చేశా. ఈ పాత్రకు నేనే సరిపోతానని విష్ణు అనుకున్న విధానం.. నేను అంగీకరించేలా చేసింది” అని అక్షయ్ తెలిపారు. 

కన్నప్ప సినిమా స్టోరీ చాలా పవర్‌ఫుల్ అని, విజువల్స్ అద్భుతంగా ఉంటాయని అక్షయ్ చెప్పారు. ఓఎంజీ 2 చిత్రంలోనూ శివుడిగా అక్షయ్ నటించారు. అప్పట్లో కొన్ని అంశాలపై విమర్శలు వచ్చాయి. అందుకే కన్నప్ప చిత్రంలో శివుడిగా చేసేందుకు అక్షయ్ ముందుగా ఆలోచించి ఉండొచ్చు. విష్ణు నచ్చజెప్పటంతో అంగీకరించినట్టుగా అక్షయ్ చెప్పారు. 

కన్నప్ప చిత్రంలో పాన్ ఇండియా రెబల్ స్టార్ ప్రభాస్, మోహన్ లాల్, శరత్ కుమార్, కాజల్ అగర్వాల్, మోహన్ బాబు కూడా నటించారు. ముకేశ్ కుమార్ సింగ్ దర్శకత్వం వహించిన ఈ చిత్రం ఏప్రిల్ 25న విడుదల కానుంది. ఈ మూవీని మోహన్ బాబు నిర్మించారు.