తెలుగు న్యూస్ / ఫోటో /
TG Indiramma Housing Scheme : ఇందిరమ్మ ఇళ్ల స్కీమ్ అప్డేట్స్ - సర్వే తర్వాత లబ్ధిదారులను ఎలా ఎంపిక చేస్తారో తెలుసా..?
Dec 27, 2024, 03:36 PM , IST
- TG Indiramma Housing Survey Updates : ఇందిరమ్మ ఇళ్ల సర్వే కొనసాగుతోంది. సంక్రాంతిలోపే పూర్తి స్థాయిలో సర్వే ప్రక్రియ పూర్తయ్యే అవకాశం ఉంది. క్షేత్రస్థాయిలోని సర్వేయర్లు దరఖాస్తుదారుడి పూర్తి వివరాలను సేకరిస్తున్నారు. సర్వే పూర్తి అయిన తర్వాత లబ్ధిదారుల ఎంపిక ఎలా ఉండబోతుందనేది ఆసక్తికరంగా మారింది.
- TG Indiramma Housing Survey Updates : ఇందిరమ్మ ఇళ్ల సర్వే కొనసాగుతోంది. సంక్రాంతిలోపే పూర్తి స్థాయిలో సర్వే ప్రక్రియ పూర్తయ్యే అవకాశం ఉంది. క్షేత్రస్థాయిలోని సర్వేయర్లు దరఖాస్తుదారుడి పూర్తి వివరాలను సేకరిస్తున్నారు. సర్వే పూర్తి అయిన తర్వాత లబ్ధిదారుల ఎంపిక ఎలా ఉండబోతుందనేది ఆసక్తికరంగా మారింది.
(1 / 8)
తెలంగాణలో ఇందిరమ్మ ఇళ్ల సర్వే ప్రక్రియ కొనసాగుతోంది. క్షేత్రస్థాయిలో ఉన్న సర్వేయర్లు… ప్రజాపాలనలో దరఖాస్తు చేసుకున్న వారి ఇళ్ల వద్దకు వెళ్లి వివరాలను సేకరిస్తున్నారు.
(2 / 8)
గత ఏడాది డిసెంబర్ 28 నుంచి జనవరి 6 వరకు ప్రజా పాలన కార్యక్రమం చేపట్టిన సంగతి తెలిసిందే. ఇందులో అత్యధికంగా ఇందిరమ్మ ఇళ్ల కోసం 82,82,332 అప్లికేషన్లు అందాయి. భారీ సంఖ్యలో దరఖాస్తులు రావటంతో వీటి వడపోత ప్రభుత్వానికి అతిపెద్ద సవాల్ గా మారింది. ఈ నేపథ్యంలో అత్యాధునిక సాంకేతికను జోడించి… లబ్ధిదారులను ఎంపిక చేసే విధంగా సర్వే చేయిస్తోంది.
(3 / 8)
ఇప్పటి వరకు చాలా జిల్లాల్లో 50 శాతానికి పైగా సర్వే పూర్తి అయింది. అయితే డిసెంబర్ 31వ తేదీలోపు సర్వే ప్రక్రియ ముగించాలని సర్కార్ భావిస్తోంది. అయితే క్షేత్రస్థాయిలో సాంకేతిక ఇబ్బందులు ఉండటంతో… సర్వేయర్లు ఇబ్బందిపడుతున్నారు.
(4 / 8)
ప్రస్తుతం జరుగుతున్న సర్వే జనవరి మొదటి వారం లేదా సంక్రాంతి లోపు పూర్తయ్యే అవకాశం ఉంది. అయితే సర్వే పూర్తి తర్వాత… లబ్ధిదారుల జాబితాను ఎలా ఎంపిక చేస్తారనేది అందరిలోనూ ఆసక్తిని పుట్టిస్తోంది. లక్షల సంఖ్యలో దరఖాస్తులు రావటంతో.. అర్హత కలిగిన వారిని గుర్తించటం సవాల్ గా మారిపోయింది.
(5 / 8)
ఇందిరమ్మ ఇళ్ల లబ్ధిదారులను గుర్తించే ప్రక్రియలో భాగంగా.. తెలంగాణ ప్రభుత్వం జీవో 33ను విడుదల చేసింది. దీని ప్రకారం ఇందిరమ్మ కమిటీలను ఏర్పాటు చేసింది. గ్రామస్థాయిలో సర్పంచి/ప్రత్యేక అధికారి, వార్డు స్థాయిలో కౌన్సిలర్/కార్పొరేటర్ ఛైర్మనుగా ఉన్నారు. అంతేకాకుండా స్వయం సహాయక గ్రూపుల నుంచి ఇద్దరు మహిళలు, ముగ్గురు స్థానికులు సభ్యులును కూడా ఇందులో ఉంచారు. ఇప్పటికే చాలా గ్రామాల్లో ఈ కమిటీలు ఏర్పాటయ్యాయి.
(6 / 8)
సర్వేలో పథకానికి ఎంపికయ్యే అర్హతలు ఉన్న దరఖాస్తుదారుడిని గుర్తిస్తారు. గ్రామాల వారీగా పేర్లు ఖరారవుతాయి. వీరి వివరాలను ఇందిరమ్మ కమిటీలు పరిశీలించే అవకాశం ఉంది. అంతేకాకుండా… ఈ జాబితాను గ్రామసభ ముందుంచి… ఆమోదముద్ర వేస్తారని తెలుస్తోంది.
(7 / 8)
గ్రామ సభ ఆమోదం తర్వాత… ఇందిరమ్మ ఇంటి లబ్ధిదారుల జాబితాను ప్రకటించనున్నారు.ఈ పేర్లకు జిల్లా కలెక్టర్ గ్రీన్ సిగ్నల్ ఇవ్వాల్సి ఉంటుంది.
(8 / 8)
మొదటి విడతలో సొంత స్థలం ఉన్న నిరు పేదలకు ప్రభుత్వం ఇందిరమ్మ ఇళ్లు మంజూరు చేయనుంది.. తొలి సంవత్సరంలో ప్రతి నియోజకవర్గానికి 3,500 చొప్పున ఇండ్లను కేటాయిస్తారు. మొత్తంగా 4.5 లక్షల ఇండ్లకు ఒక్కో ఇంటికి రూ. 5 లక్షల చొప్పున నిధులను విడుదల చేస్తారు. ఈ నిధులను నాలుగు ధపాలుగా జమ చేస్తారు. ఇందిరమ్మ ఇంటి ఫిర్యాదుల స్వీకరణ కోసం ప్రత్యేక వెబ్ సైట్ తో పాటు టోల్ ఫ్రీ నెంబర్ ను అందుబాటులోకి తీసుకురానున్నారు.
ఇతర గ్యాలరీలు