Homemade Mosquito Repellent : దోమలను తరిమికొట్టేందుకు ఇంట్లోనే ఇలా చేస్తే చాలు.. ఫలితం ఉంటుంది

వర్షాలు మొదలయ్యాక దోమలు పెరుగుతాయి. దోమల బెడదను నివారించడానికి పగలు లేదా రాత్రి పూట దోమతెరలు ఏర్పాటు చేయాలి. అయితే దోమతెరలో ఎల్లప్పుడూ ఉండటం సాధ్యం కాదు.. కాబట్టి ఇంట్లో నుంచి దోమలను తరిమికొట్టేందుకు కొన్ని చిట్కాలు పాటించాలి.

దోమలను తరిమికొట్టడానికి చాలా మంది వివిధ కాయిల్స్, ఏరోసోల్స్ స్ప్రేలను ఉపయోగిస్తారు. అయితే అవి మానవ ఆరోగ్యానికి కూడా అంత మంచిది కాదు. మీరు వాటిని ఉపయోగించకుండా ఇంట్లోనే దోమల వికర్షకాలను తయారు చేసుకోవచ్చు.

ఒక కప్పు నీటిలో 10 చుక్కల లావెండర్ ఆయిల్, 4-5 చుక్కల వెనీలా ఎసెన్స్, 4 చుక్కల నిమ్మరసం వేసి బాగా కలపాలి. ఇప్పుడు ఈ మిశ్రమాన్ని స్ప్రే బాటిల్ లో తీసుకుని చేతులు, కాళ్లకు బాగా స్ప్రే చేయాలి. దోమలు కుట్టవు.

దోమలు, ఈగలు, కీటకాలను దూరంగా ఉంచడంలో వేపనూనె ప్రత్యేక పాత్ర పోషిస్తుంది. ఇందుకోసం 10-12 చుక్కల వేపనూనెను 30 మిల్లీ లీటర్ల కొబ్బరినూనెలో కలిపి శరీరమంతా అప్లై చేయాలి.

3 టేబుల్ స్పూన్ల బాదం నూనె లేదా కొన్ని చుక్కల ఎసెన్షియల్ ఆయిల్ ను ఆలివ్ ఆయిల్ లో మిక్స్ చేయాలి. ఈ మిశ్రమాన్ని స్ప్రే బాటిల్స్ లో రెండు సార్లు ఉదయం, రాత్రి పూట ఇంట్లో కొడితే దోమలు దరిచేరవు.

అదేవిధంగా 10-15 చుక్కల టీ ట్రీ ఆయిల్ ను 30 మిల్లీలీటర్ల కొబ్బరి నూనెతో మిక్స్ చేయాలి. ఇప్పుడు ఈ మిశ్రమాన్ని శరీరమంతా అప్లై చేయాలి. మీ దగ్గర దోమలు కనిపించవు.

30 మిల్లీ లీటర్ల కొబ్బరి నూనెలో 15 చుక్కల పిప్పరమింట్ ఆయిల్ మిక్స్ చేసి ఒక మిశ్రమంలా తయారు చేసుకోవాలి. ఈ మిశ్రమాన్ని శరీరమంతా అప్లై చేయడం వల్ల దోమల బెడద తొలగిపోతుంది.