తెలంగాణ ఆర్టీసీలో 1743 ఉద్యోగాలు - మీ వద్ద ఉండాల్సిన పత్రాలు, దరఖాస్తు విధానం ఇలా....

టీజీఎస్ఆర్టీసీలో డ్రైవర్, శ్రామిక్‌ పోస్టుల భర్తీకి ఆన్ లైన్ ద్వారా దరఖాస్తులను స్వీకరిస్తున్నారు. అర్హులైన అభ్యర్థులు https://www.tgprb.in/ వెబ్ సైట్ ద్వారా అప్లయ్ చేసుకోవాలి. డ్రైవర్‌ కొలువులు 1,000, శ్రామిక్‌ పోస్టులు 743 ఉన్నాయి.

అర్హతలు కలిగిన అభ్యర్థులు https://www.tgprb.in/ వెబ్ సైట్ లోకి వెళ్లాలి. హోం పేజీలో డ్రైవర్, శ్రామిక్ నోటిఫికేషన్ 2025 అని కనిపిస్తుంది. దీని కిందనే అప్లయ్ ఆన్ లైన్ అనే లింక్ ఉంటుంది. దీనిపై క్లిక్ చేస్తే మీకు అప్లికేషన్ ఫారమ్ ఓపెన్ అవుతుంది.

ముందుగా మీ ప్రాథమిక వివరాలతోనే రిజిస్ట్రేషన్ చేసుకోవాలి.అభ్యర్థి పేరు, పుట్టిన తేదీ, మొబైల్ నెంబర్, ఈమెయిల్ ఐడీ వివరాలను ఎంట్రీ చేయాలి.

ఆ తర్వాత అప్లికేషన్ ఫీజును చెల్లించాలి. డ్రైవర్ పోస్టులకు ఎస్సీ, ఎస్టీ అభ్యర్థులకు రూ.300, ఇతరులు రూ.600 చెల్లించాలి. ఎస్సీ, ఎస్టీ అభ్యర్థులు శ్రామిక్ పోస్టులకు రూ.200, ఇతరులు అయితే రూ.400 దరఖాస్తు ఫీజు ఉంటుంది.

అప్లికేషన్ ప్రక్రియ కోసం డ్రైవింగ్ లైసెన్స్ తప్పనిసరిగా ఉండాలి. అంతేకాకుండా టెన్త్ మెమో, ఫొటో, ఆధార్, కుల ధ్రువీకరణపత్రంతో పాటు మరికొన్ని వివరాలకు సంబంధించిన పత్రాలు ఉండాలి.

ఫిజికల్ మెజర్‌మెంట్, మెడికల్, డ్రైవింగ్ టెస్టుల ఆధారంగా అభ్యర్థులను ఎంపిక చేస్తారు. జీతం డ్రైవర్ పోస్టులకు నెలకు రూ. 20,960 నుంచి రూ.60,080 వరకు ఉంటుంది. శ్రామిక్ పోస్టులకు రూ.16,550 నుంచి రూ.45,030 జీతం దొరుకుతుంది.