Team India New Jersey: రంగులు మారిన టీమిండియా.. ఏడు సార్లు.. ఏడు రకాలు..!
Sep 20, 2022, 07:39 AM , IST
- Team India new jersey: వచ్చే నెల 16 నుంచి ఆస్ట్రేలియా వేదికగా టీ20 ప్రపంచకప్ జరగనున్న సంగతి తెలిసిందే. ఈ సమరానికి నెల రోజులు కూడా లేని తరుణంలో అభిమానులు ఆత్రుతగా ఎదురుచూస్తున్నారు. ఈ సందర్భంగా ఆదివారం నాడు టీమిండియా కొత్త జెర్సీని విడుదల చేశారు. గత ఏడు టీ20 ప్రపంచకప్‌ల్లో భారత ఆటగాళ్లు ధరించిన విభిన్నమైన జెర్సీలపై ఇప్పుడు చూద్దాం.
- Team India new jersey: వచ్చే నెల 16 నుంచి ఆస్ట్రేలియా వేదికగా టీ20 ప్రపంచకప్ జరగనున్న సంగతి తెలిసిందే. ఈ సమరానికి నెల రోజులు కూడా లేని తరుణంలో అభిమానులు ఆత్రుతగా ఎదురుచూస్తున్నారు. ఈ సందర్భంగా ఆదివారం నాడు టీమిండియా కొత్త జెర్సీని విడుదల చేశారు. గత ఏడు టీ20 ప్రపంచకప్‌ల్లో భారత ఆటగాళ్లు ధరించిన విభిన్నమైన జెర్సీలపై ఇప్పుడు చూద్దాం.
(1 / 9)
2007లో జరిగిన మొదటి టీ20 ప్రపంచకప్‌లో టీమిండియా లేత నీలం రంగులో ఉన్న జెర్సీని ధరించింది. ఆ ఏడాది జరిగిన వన్డే ప్రపంచకప్‌లోనూ ఇదే జెర్సీని ధరించింది. ఈ జెర్సీ భారత క్రికెట్ జట్టు ట్రేడ్ మార్క్‌గా మిగిలిపోయింది.
(2 / 9)
2009 టీ20 ప్రపంచకప్‌లో భారత జట్టు ఈ జెర్సీలో కనిపించింది. కాస్త ముదురు నీలం రంగులో మారింది. కాలర్ లేత బ్లూ కలర్‌కు బదులుగా ఆరెంజ్ కలర్‌లో వచ్చింది. ఈ టోర్నీలో శ్రీలంకను ఓడించి పాకిస్థాన్ టైటిల్ గెలిచింది.
(3 / 9)
2010 టీ20 ప్రపంచకప్ జెర్సీలో అంతకు ముందు జెర్సీ కంటే పెద్ద మార్పేమి లేదు. డార్క్ బ్లూ, కాలర్ ఆరెంజ్ కలర్‌లో అలాగే ఉంది. ఆస్ట్రేలియాను ఓడించి ఇంగ్లాండ్ ఈ ప్రపంచకప్ గెలిచింది.
(4 / 9)
2012 ప్రపంచకప్‌లో భారత జెర్సీ 2011 వన్డే వరల్డ్ కప్ జెర్సీ మాదిరిగా ఉంది. శ్రీలంక వేదికగా జరిగిన ఈ టోర్నీలో భారత్ పెద్దగా రాణించలేకపోయింది. శ్రీలంకను ఓడించి వెస్టిండీస్ ఈ టైటిల్ గెలిచింది.
(5 / 9)
బంగ్లాదేశ్ వేదికగా జరిగిన 2014 వరల్డ్ కప్‌లో భారత జట్టు అద్భుత ప్రదర్శన చేసి ఫైనల్‌కు చేరింది. అయితే తుదిపోరులో శ్రీలంక చేతిలో ఓటమి పాలైంది. ఈ వరల్డ్ కప్‌లో భారత జెర్సీలో చాలా మార్పులు వచ్చాయి. ముఖ్యంగా ఆటగాళ్ల భుజంపై టీమిండియా జెండా డిజైన్ చేశారు.
(6 / 9)
2016 ప్రపంచకప్‌లో భారత్ జెర్సీ ఎరుపు-నారింజ రంగుల మిశ్రమాన్ని కలిగి ఉంది. ఈ జెర్సీని నైక్ లాంచ్ చేసింది. ఎడమ భుజంపై నారింజ రంగుతో కప్పబడి.. జెర్సీకి ప్రత్యేక రూపాన్ని ఇచ్చింది. ఈ ప్రపంచకప్‌ను ఇంగ్లాండ్‌ను ఓడించి వెస్టిండీస్ రెండో సారి గెలిచింది.
(7 / 9)
గత టీ20 ప్రపంచకప్‌లో భారత ఆటగాళ్లు ముదురు నీలం రంగు జెర్సీని ధరించారు. దీనికి లేత నీలం రంగు టచ్ ఇవ్వడంతో పూర్తిగా కొత్త రూపంలో ఉంది. గతేడాది ఈ జెర్సీని ఎంపీఎల్ స్పోర్ట్స్ స్వయంగా విడుదల చేసింది.
(8 / 9)
వచ్చే నెలలో జరగనున్న టీ20 ప్రపంచకప్ కోసం విడుదల చేసిన భారత జెర్సీలో మూడు స్టార్లు ఉన్నాయి. మూడు సార్లు ప్రపంచకప్ టైటిల్‌ను గెలుచుకున్నందుకు ఈ మార్క్ నిదర్శనంగా ఇందులో పొందుపరిచారు. 1983, 2011 వన్డే ప్రపంచకప్‌లతో పాటు 2007 టీ20 ప్రపంచకప్‌ను టీమిండియా కైవసం చేసుకుంది.
ఇతర గ్యాలరీలు