Heatwaves: వేడిగాలుల నుంచి సురక్షితంగా ఉండాలంటే ఈ చిట్కాలు పాటించండి

ఉష్ణోగ్రతలు పెరిగిపోతున్నాయి. తీవ్రమైన వేడివల్ల కొన్ని ఆరోగ్య సమస్యలు వచ్చే అవకాశం ఉంది. ముఖ్యంగా వడదెబ్బ కొట్టే అవకాశం ఉంది. కొన్ని చిట్కలు పాటించడం ద్వారా శరీరం వేడెక్కకుండా కాపాడుకోవచ్చు.

వేసిలో డీహైడ్రేషన్ సమస్య త్వరగా వచ్చేస్తుంది. కాబట్టి ప్రతి గంటకు నీటిని తాగుతూ ఉండాలి. కొబ్బరినీరు, పండ్ల రసాలు, పుచ్చకాయ వంటివి తినడం వల్ల శరీరంలో నీరు తగ్గకుండా ఉంటుంది. 

ఎండాకాలంలో వదులుగా ఉండే కాటన్ దుస్తులు వేసుకుంటే మంచిది. ఇవి శరీరాన్ని చల్లగా ఉంచడంలో సహాయపడతాయి. అలాగే లేత రంగులలో ఉండే దుస్తులను ధరించండి. వేడిని అధికంగా గ్రహించే ముదురు రంగులకు దూరంగా ఉండండి.

 వేడి సంబంధిత అనారోగ్యాలను రాకుండా ఉండాలంటే శరీరం వేడెక్కకుండా చూసుకోండి. తీవ్రమైన వ్యాాయామాలు, శారీరక శ్రమ చేయకుండా జాగ్రత్తగా ఉండండి. రోజులో చల్లని సమయాల్లో వ్యాయామం చేసేందుకు ప్రయత్నించండి.

ఇంట్లో కూలింగ్ పరికరాలను ఉపయోగించండి. మీ శరీర ఉష్ణోగ్రతను తగ్గించడానికి ఇవి ఉపయోగపడతాయి. శరీరం వేడెక్కితే జ్వరం వచ్చే అవకాశం ఉంటుంది. 

ఎండల్లో బయటికి వెళ్లాల్సి వస్తే  వీలైనంత వరకు నీడలో ఉండేందుకు ప్రయత్నించండి. ఎండ నుండి మిమ్మల్ని మీరు రక్షించుకోవడానికి గొడుగు, టోపీ, సన్ గ్లాసెస్ ఉపయోగించండి.

మండే ఎండల్లో సులువుగా జీర్ణమయ్యే తేలికపాటి, తాజా ఆహారాన్ని తినండి. హైడ్రేటెడ్ గా ఉండటానికి మీ ఆహారంలో నీరు అధికంగా ఉండేలా చూసుకోవాలి. మెనూలో పండ్లు, కూరగాయలు అధికంగా ఉండేలా చూసుకోవాలి.

రోజులో అత్యంత వేడిగా ఉండే సమయంలో బయటికి వెళ్లకుండా ఇంట్లోనే ఉండడం మంచిది.  సాధారణంగా ఉదయం 10 గంటల నుండి సాయంత్రం 4 గంటల మధ్య ఇంట్లో ఉంటే వడదెబ్బ కొట్టకుండా జాగ్రత్త పడవచ్చు.