పొడవాటి జుట్టు కావాలా? వేలకు వేలు ఖర్చు చేయకండి.. ఉడికించిన అన్నాన్ని ఇలా వాడండి చాలు!

ఆరోగ్యకరమైన జుట్టు కోసం వేలకు వేలు ఖర్చు చేసి ఫలితం దక్కక బాధపడుతున్న వారు ఈ రోజుల్లో చాలా మందే ఉన్నారు. మీరు అలాంటి వారిలో ఒకరైతే ఈ సారి ఇంట్లోనే ఈ చిట్కాను ప్రయత్నించి చూడండి. దీంతో మీ జుట్టు రాలడం నుంచి పెరగడం వరకూ అన్నీ అద్భుతాలు జరుగుతాయట. ఇంట్లో కచ్చితంగా అందుబాటులో ఉండే బియ్యం (అన్నం)తో సాధ్యపడుతుందట. అదేంటి అన్నంతో వెంట్రుకలను పొడుగ్గా, ఆరోగ్యంగా ఎలా పెంచుకోవాలని అనుకుంటున్నారా? రండి చూసేద్దాం.

పొడవాటి జుట్టు కోసం మెంతులు (1 టేబుల్ స్పూన్), అన్నం (1 కప్పు), బీట్ రూట్ రసం, తాజా అలోవేరా జెల్ (1 పెద్ద కప్పు) అవసరం. ముందుగా మెంతి విత్తనాలను రాత్రంతా నానబెట్టండి. ఉదయం నానబెట్టిన మెంతి విత్తనాలను, ఉడికించిన బియ్యాన్ని కలిపి మెత్తగా నూరి పేస్ట్ తయారు చేసుకోండి.

మెంతులు నానబెట్టిన నీటిని కూడా ఉపయోగించండి. దీనిలో బీట్ రూట్ రసం, ఆలోవేరా జెల్ కలపండి. ఈ మిశ్రమాన్ని బాగా కలిపి హెయిర్ మాస్క్ లాగా జుట్టుకు అప్లై చేయండి. దాన్ని ఒక గంట పాటు జుట్టుకు ఉంచి, శుభ్రమైన నీటితో శుభ్రం చేసుకోండి. తర్వాత సరైన కండిషనర్ వాడండి.

ఈ నివారణను వారానికి రెండుసార్లు ఉపయోగించవచ్చు. దీన్ని నిరంతరం ఉపయోగిస్తే జుట్టు పెరుగుదలలో మార్పు వస్తుంది. జుట్టు కుదుళ్లు బలపడతాయి. అలాగే జుట్టు రాలడం కూడా ఆగిపోతుంది. జుట్టుకు మెరుపుతో బలాన్ని ఇస్తుంది.

గమనిక: ఏదైనా చిట్కాలను ఉపయోగించే ముందు, నిపుణుల సలహా తీసుకోవడం చాలా ముఖ్యం. అలాగే, ముందుగా ప్యాచ్ టెస్ట్ చేయడం బెటర్.