Godari Gattu Song: వ్యూస్‍లో భారీ మైల్‍స్టోన్ దాటేసిన ‘గోదావరి గట్టు మీద’ పాట.. దూసుకెళుతున్న సాంగ్

విక్టరీ వెంకటేశ్ హీరోగా నటించిన ‘సంక్రాంతికి వస్తున్నాం’ సినిమాలోని ‘గోదారి గట్టు మీద’ పాట ఓ రేంజ్‍లో పాపులర్ అయింది. లిరికల్ సాంగ్ రిలీజ్ అయినప్పటి నుంచి ఈ సాంగ్ మార్మోగుతోంది. ఈ పాట విపరీతంగా జనాల్లోకి వెళ్లిపోయింది. 

సంక్రాంతికి వస్తున్నాం సినిమా జనవరి 14వ తేదీన రిలీజ్ కాగా.. భారీ ఓపెనింగ్ దక్కించుకుంది. రిలీజ్‍కు ముందే ఈ చిత్రానికి అంత హైప్ వచ్చేందుకు గోదారి గట్టు పాట కూడా ఓ కారణంగా నిలిచింది. ఫుల్ క్రేజ్ దక్కించుకుంది. తాజాగా యూట్యూబ్‍లో ఈ సాంగ్ లిరికల్ వీడియో.. వ్యూస్‍లో మైలురాయి అధిగమించింది. 

‘గోదారి గట్టు మీద’ పాట లిరికల్ వీడియో.. యూట్యూబ్‍లో 100 మిలియన్ వ్యూస్‍ను నేడు (జనవరి 15) దాటేసింది. ఈ లిరికల్ సాంగ్ యూట్యూబ్‍లో గత నెల డిసెంబర్ 3న రిలీజ్ అయింది. అప్పటి నుంచి మోతమోగుతూనే ఉంది. సుమారు 40 రోజుల్లోనే 100 మిలియన్ మార్క్ అధిగమించింది. 

గోదారి గట్టు పాట యూట్యూబ్‍లో 100 మిలియన్ (10 కోట్లు) వ్యూస్ దాటేసిందంటూ నేడు ఓ పోస్టర్ కూడా రిలీజ్ చేసింది మూవీ టీమ్. ఈ సినిమాకు భీమ్స్ సెసిరోలియో సంగీతం అందించారు. ఈ సాంగ్‍కు అదిరిపోయే ట్యూన్ ఇచ్చారు. ఒకప్పటి స్టార్ మ్యూజిక్ డైరెక్టర్ రమణ గోగుల పాడడం కూడా ఈ సాంగ్‍కు ప్లస్ అయింది. రమణ గోగులతో పాటు మధుప్రియ కూడా ఈ పాటను ఆలపించారు. ఈ సాంగ్‍కు భాస్కరభట్ల రవికుమార్ లిరిక్స్ ఇచ్చారు. 

సంక్రాంతికి వస్తున్నాం చిత్రంలో వెంకటేశ్ సరసన ఐశ్వర్య రాజేశ్, మీనాక్షి చౌదరి హీరోహీరోయిన్లుగా నటించారు. ఈ మూవీకి అనిల్ రావిపూడి దర్శకత్వం వహించారు. ఈ చిత్రం తొలి రోజే రూ.45కోట్ల గ్రాస్ కలెక్షన్లు దక్కించుకుందని మూవీ టీమ్ వెల్లడించింది. వెంకటేశ్‍కు ఇదే బిగ్గెస్ట్ ఓపెనింగ్‍గా నిలిచింది.