Self-Confidence : ఆత్మవిశ్వాసాన్ని పెంచుకునేందుకు ఈ చిట్కాలు పాటించండి

ఆత్మ విశ్వాసం పెరగాలంటే మీ సామర్థ్యాలు, నైపుణ్యాలపై మీకు నమ్మకం ఉండాలి. మిమ్మల్ని మీరు విశ్వసించడం నేర్చుకోవాలి. నేను బలహీనుడిని అనుకుంటే మీరు మరింత బలహీనంగా మారిపోతారు. మీపై మీరు నమ్మకాన్ని పెంచుకునే మార్గాలు కొన్ని ఉన్నాయి. 

మీకు మీరే చిన్న చిన్న వాగ్దానాలు చేసుకోవాలి. వాటిని నెరవేర్చకోవడానికి ప్రయత్నించాలి. అవి నెరవేరితే మీపై మీకు నమ్మకం పెరుగుతుంది. 

ఇతరుల కోసం జీవించడం, వారి మెప్పు కోసం వెంపర్లాడడం మానేయాలి. మీకోసం, మీ కుటుంబం కోసం జీవించడం మొదలుపెట్టండి. మీకు నచ్చని విషయాలు నో అని చెప్పడం నేర్చుకోండి. 

భవిష్యత్తుపై ఆశలు పెంచుకోవాలి. ఏ పనులు చేయాలో, ఎలాంటి స్థితిలో ఉండాలో నిర్ణయించుకోవాలో. ఆ స్థాయిని సాధించేందుకు ఇప్పట్నించే ప్రయత్నాలు మొదలుపెట్టాలి. 

స్వీయనింద మానుకోవాలి. మిమ్మల్ని మీరే విమర్శించుకోవడం వల్ల ఆత్మ న్యూనత వచ్చేస్తుంది. కాబట్టి తప్పులు జరిగినా అవి మీ వల్లేనని నిందించుకోవడం తగ్గించాలి. 

కంఫర్డ్ జోన్ లోనే ఉండిపోతే విజయాలు సాధించడం కష్టంగా మారుతుంది. కాబట్టి విజయం కోసం మీ కంఫర్ట్ జోన్ నుంచి బయటికి రావాల్సిన అవసరం ఉంది.