మండు వేసవిలో ఇంటి చిట్కాలు.. ఆరోగ్యానికి మేలు చేసే మార్గాలు.. 5 ముఖ్యమైన అంశాలు

నిత్యం కనీసం మూడు నుంచి నాలుగు లీటర్ల వరకు నీటిని తీసుకోవడం తప్పనిసరి. కొందరు పనిలో పడితే ఈ విషయం గుర్తుండకపోవచ్చు. ఈ సమస్య నుంచి బయటపడేందుకు ఫోన్‌లో అలారం పెట్టుకోవచ్చు. లేదంటే ఇటీవల వాటర్‌ ట్రాకింగ్‌ యాప్‌లు సైతం అందుబాటులోకి వచ్చాయి. వాటిని వాడినా మంచిదే.

నిమ్మ, పుదీన, బెర్రీలు, ఆరెంజ్‌, కీరదోస ముక్కలను ఎక్కువసేపు నానబెట్టిన నీటిని తాగితే శరీరానికి మేలు చేస్తుంది. పుచ్చకాయ, బొప్పాయి, ముల్లంగి, గుమ్మడికాయ, నారింజ, ద్రాక్ష, టమాట, ఆకుకూరలు.. ఇలా పండ్లు, కూరగాయల రూపంలోనూ శరీరానికి నీటిని అందించవచ్ఛు .

నీటి శాతం ఎక్కువగా ఉండే పండ్లలోని విటమిన్లు, పోషకాలు శక్తిని ఇస్తాయి. అవసరమైన ఎలక్టోల్రైట్లను కలిగి ఉండటం వల్ల మేలు చేస్తాయి. వీటితో సలాడ్స్‌ చేసుకొని తినొచ్చు.

బయటికి వెళ్లే సమయంలో మజ్జిగ, నిమ్మరసం, చెరకు రసం వంటివి తాగితే.. ఎండదెబ్బ బారిన పడకుండా ఉండగలం. బయటి నుంచి తిరికి ఇంటికొచ్చాక తాగినా అవి శరీరాన్ని చల్లబరుస్తాయి.

కొందరికి వేడి పానీయాలు తాగే అలవాటు ఉంటుంది. వేసవిలో కాఫీ బదులు టీ తీసుకోవడం మంచిది. ఇందులో కెఫిన్‌ తక్కువగా ఉండటమే ఇందుకు ప్రధాన కారణం. నీటి శాతం ఎక్కువగా ఉండే కూరగాయలను తీసుకుంటే మేలు చేస్తాయి.