AP Tourism : విజయనగరం జిల్లా.. చరిత్రకు అద్ధం.. ప్రకృతి అందాలకు నిలయం!

విజయనగరం జిల్లాలోని చింతపల్లి బీచ్ ప్రశాంతతకు మారుపేరు. విస్తారమైన ఇసుక తీరం, నిర్మలమైన నీరు, అందమైన సూర్యాస్తమాలు ఈ బీచ్‌ ప్రత్యేకతలు. ఈ బీచ్‌లోని నీరు చాలా స్వచ్ఛంగా ఉంటుంది. స్నానం చేయడానికి, జల క్రీడలు ఆడడానికి ఇది అనువైన ప్రదేశం. బీచ్ చుట్టూ ఉన్న ప్రకృతి అందం మంత్రముగ్ధులను చేస్తుంది.

బొబ్బిలి కోట అద్భుతమైన నిర్మాణం. చారిత్రక నేపథ్యానికి ప్రసిద్ధి. ఈ కోట వెనుకాల ఎన్నో కథలు, పురాణాలు దాగి ఉన్నాయి. బొబ్బిలి కోటను 17వ శతాబ్దంలో వెంకట గిరి రాజు నిర్మించారు. ఈ కోటకు సంబంధించి ముఖ్యంగా రాణి వెల్లంకి సున్నమ్మ కథ ప్రసిద్ధి. ఆమె పతి మరణం తర్వాత తన కుమారుని కోసం రాజ్యాన్ని పరిపాలించి, శత్రువులతో పోరాడి విజయం సాధించింది. ఆమె వారత్వానికి నిదర్శనంగా ఈ కోట నిలుస్తుంది.

జిల్లా కేంద్రంలో.. విజయనగరం కోట ఉంది. దీనికి చారిత్రక ప్రాముఖ్యత ఉంది. ప్రశాంత వాతావరణంతో పర్యాటకులను ఆకర్షిస్తుంది. ఇక్కడికి చాలా ఈజీగా చేరుకోవచ్చు.

విజయనగరం జిల్లాలో వెలసిన శ్రీ పైడితల్లి అమ్మవారి ఆలయం.. ఉత్తరాంధ్ర ప్రాంత ప్రజలకు ఆధ్యాత్మిక కేంద్రంగా నిలుస్తోంది. పైడితల్లి అమ్మవారిని పూసపాటి రాజులు కులదైవంగా పూజిస్తారు. ఈ ఆలయానికి చారిత్రక నేపథ్యం ఉంది. అద్భుతమైన శిల్పకళ, వైభవంగా జరుగుతున్న ఉత్సవాలకు ప్రసిద్ధి చెందింది.

విజయనగరం జిల్లా కేంద్రంలో వెలసిన రాజావారి కోట.. దక్షిణ భారతదేశంలోని అత్యంత ప్రసిద్ధ కోటల్లో ఒకటి. ఇది అద్భుతమైన నిర్మాణం. ఇక్కడి ప్రశాంతమైన వాతావరణం.. ప్రపంచవ్యాప్తంగా ఉన్న పర్యాటకులను ఆకర్షిస్తుంది.

విజయనగరం జిల్లాలోని నెల్లిమర్ల మండలంలో ఉన్న సరిపల్లి.. చంపావతి నది ఒడ్డున వెలసిన ఒక చిన్న గ్రామం. ఈ గ్రామం ప్రధానంగా దిబ్బి లింగేశ్వర స్వామి ఆలయానికి ప్రసిద్ధి చెందింది. చారిత్రకంగా చాలా ప్రాముఖ్యత కలిగిన ఈ ఆలయం.. చాళుక్యుల కాలంలో నిర్మించబడిందని భావిస్తారు. ఇది ప్రశాంతమైన ప్రదేశం. ఇక్కడ ఉన్న దిబ్బి లింగేశ్వర స్వామి ఆలయం ప్రత్యేక ఆకర్షణగా నిలుస్తోంది.

విజయనగరం జిల్లాలోని గంట్యాడ మండలం తాటిపూడి గ్రామం సమీపంలో.. తాటిపూడి జలాశయం ఉంది. ఇది ఆ ప్రాంత ప్రజలకు జీవనాధారం. 1968లో దీన్ని నిర్మించారు. గోస్తని నదిపై ఇది ఉంది. ఈ జలాశయం చుట్టుపక్కల ప్రాంతాలకు తాగునీరు, వ్యవసాయానికి సాగునీరు అందించడంలో కీలక పాత్ర పోషిస్తుంది. జలాశయం చుట్టూ ఉన్న పచ్చని పొలాలు, కొండలు, అడవులు అద్భుతమైన అందాలు పర్యాటకులను ఆకర్షిస్తాయి.