Skin Care With Marigold: బంతిపూలను అందమైన చర్మం కోసం ఎలా వాడాలంటే..

మృదువైన మరియు మచ్చలు లేని చర్మం కోసం బంతిపువ్వులను వాడొచ్చు. ఈ పువ్వుతో చేసిన ఫేస్ ప్యాక్ వల్ల మొటిమలు, మచ్చలు తగ్గుతాయి. వీటిలో ఉండే యాంటీ ఫంగల్, యాంటీ ఆక్సిడెంట్ గుణాల వల్ల చర్మం ఆరోగ్యంగా ఉంటుంది. 

చర్మం పొడిబారినట్లయితే, ఫేస్ ప్యాక్ చేయడానికి బంతి పువ్వు రెక్కల్లో కొద్దిగా తేనె, చిటికెడు పసుపు, కొన్ని పాలు కలిపి మెత్తటి పేస్ట్ లాగా చేసుకోవాలి. దీన్ని ముఖానికి రాసుకుని కడిగేసుకుంటే చాలు. 

మీరు మొటిమలతో బాధపడుతున్నట్లయితే, బంతి పువ్వులు,పెరుగు కలిపి మెత్తటి పేస్ట్ తయారు చేయండి.  దీని కోసం బంతి పువ్వు రేకులను బాగా గ్రైండ్ చేసి పెరుగుతో కలపాలి. ఈ ప్యాక్‌ని మీ ముఖంపై పావుగంట ఉంచి కడిగేసుకోవడమే.

ఎన్నిరోజులు, ఎన్ని సార్లు ఉపయోగించాలి? మీరు బంతిపూల ఫేస్ మాస్క్‌ని వారానికి రెండుసార్లు ఉపయోగించవచ్చు. ఫేస్‌మాస్క్‌ని ఉపయోగించే ముందు, మీరు మీ ముఖాన్ని మంచి క్లెన్సర్‌తో శుభ్రం చేసుకోవాలి.

బంతిపూవు మాస్క్ ప్రయోజనాలు: మొటిమలు, మచ్చలను తొలగించడంతో పాటు ముఖం ఉబ్బు ఉంటే తగ్గిస్తుంది. సహజ మాయిశ్చరైజర్‌గా పనిచేస్తుంది. క్రమం తప్పకుండా ఉపయోగించడం వల్ల చర్మం కాంతివంతంగా మారుతుంది.