AP Telangana Rains : ఎటు చూసినా నీళ్లు.. ప్రజల కన్నీళ్లు.. హృదయాన్ని కదిలించే దృశ్యాలు

Sep 02, 2024, 02:29 PM IST Basani Shiva Kumar

Sep 02, 2024, 02:29 PM , IST

Basani Shiva Kumar

AP Telangana Rains : తెలుగు రాష్ట్రాలు వర్షాలు, వరదలతో వణికిపోతున్నాయి. పల్లెలు, పట్టణాలు చెరువుల్లా మారాయి. ఎక్కడ చూసినా వరదలు.. ప్రజల కంట కన్నీరే కనిపిస్తోంది. వరద బాధితుల బాధలు మాటల్లో చెప్పలేం.. రాతల్లో రాయలేం. అంతటి ఆవేదన చెందుతున్నారు.

(1 / 6)

విజయవాడను వరద ముంచెత్తుతుంది. కుమ్మరిపాలెం సెంటర్‌ దగ్గర హైవే పైకి వరద నీరు చేరింది. రోడ్లపై పడవలతో ప్రయాణంచేస్తున్నారు. లోతట్టు ప్రాంత వాసులను అధికారులు ఖాళీ చేయిస్తున్నారు.(@pramodzk)

(2 / 6)

మహబూబాబాద్ జిల్లా మరిపెడ మండలం సీతారాం తండాలో.. వరద ధాటికి ఇళ్లలోకి నీరు చేరింది. దీంతో ఇబ్బందులు పడుతున్న దాదాపు 100 మంది తండా వాసులను ఎస్సై నగేష్, తన సిబ్బంది రాము, మహిపాల్‌లతో కలిసి జాగ్రత్తగా సురక్షిత ప్రాంతాలకు తరలించారు.(@mhbdpolice)

(3 / 6)

బుడమేరు దెబ్బకు విజయవాడ శివారు ప్రాంతాలు జలమయం అయ్యాయి. 24 కాలనీలు, పలు గ్రామాలను వరద నీరు ముంచెత్తింది. భారీ వర్షాలు, వరదల నేపథ్యంలో విజయవాడలో ప్రాంతాల వారీగా ప్రత్యేక అధికారులను ప్రభుత్వం నియమించింది. ఈ అధికారులు క్షేత్రస్థాయిలో బాధితులకు అందుబాటులో ఉండనున్నారు. (@pramodzk)

(4 / 6)

విజయవాడలోని పెద్దపులి పాకలో రెస్క్యూ ఆపరేషన్ జరుగుతోంది. 3 వ బెటాలియన్ ఎస్‌డిఆర్‌ఎఫ్ సిబ్బంది ఈ రెస్క్యూ ఆపరేషన్‌లో పాల్గొన్నారు. లోతట్టు ప్రాంతాల వారిని సురక్షిత ప్రాంతాలకు తరలిస్తున్నారు.(@APPOLICE100)

(5 / 6)

వరద పరిస్థితులపై చంద్రబాబును ప్రధాని మోదీ అడిగి తెలుసుకున్నారు. కేంద్ర ప్రభుత్వపరంగా అన్ని సహాయ సహకారాలు అందిస్తామని సీఎంకు హామీ ఇచ్చారు. ప్రస్తుతం జరుగుతున్న వరద సహాయ చర్యలపై ప్రధానికి సీఎం వివరించారు.(@APPOLICE100)

(6 / 6)

వరదపోటుతో యనమలకుదురు నీట మునిగింది. ఇళ్లలోకి వరద నీరు చేరింది. వేల సంఖ్యలో నిర్వాసితులు ఉన్నారు. బోట్లలో నిర్వాసితుల్ని సురక్షిత ప్రాంతాలకు తరలిస్తున్నారు.(@pramodzk)

ఇతర గ్యాలరీలు