ఓటీటీల్లోకి ఒకే రోజు రెండు తమిళ సినిమాలు.. స్ట్రీమింగ్ ఎక్కడంటే..
రెండు తమిళ చిత్రాలు ఒకే రోజు (మే 1) ఓటీటీల్లో స్ట్రీమింగ్‍కు రానున్నాయి. ఒకటి ఫ్యామిలీ డ్రామా మూవీ కాగా.. మరొకటి యాక్షన్ చిత్రంగా ఉంది. అవేవంటే..
(1 / 5)
తమిళ సినిమా ‘ఈఎంఐ’ ఏప్రిల్ 4వ తేదీన థియేటర్లలో విడుదలైంది. ఈ మూవీలో సదాశివమ్ చిన్నరాజ్ ప్రధాన పాత్ర పోషించడంతో పాటు దర్శకత్వం కూడా వహించారు. ఈ ఫ్యామిలీ డ్రామా చిత్రం పాజిటివ్ టాక్ దక్కించుకుంది.
(2 / 5)
ఈఎంఐ చిత్రం మే 1వ తేదీన టెంట్‍కొట్టా (Tentkotta) ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఆ ప్లాట్‍ఫామ్ నుంచి అధికారిక ప్రకటన కూడా వచ్చేసింది. అమెజాన్ ప్రైమ్ వీడియో ఓటీటీలోనూ అదే రోజున ఈ చిత్రం అందుబాటులోకి వస్తుందని తెలుస్తోంది.
(3 / 5)
లోన్లకు ఈఎంఐలు చెల్లించేందుకు మిడిల్ క్లాస్ జనాలు ఎలాంటి తిప్పలు పడతారు, ఎంత ఒత్తిడికి గురవుతారనే కథాంశంతో ఈ మూవీ తెరకెక్కింది. ఈ సినిమాలో సదాశివమ్‍తో పాటు సాయిధన్య, బ్లాక్‍పాండి, అధవన్, సెంథిల్ కుమారి కూడా కీలకపాత్రలు చేశారు.
(4 / 5)
వరుణన్ సినిమా మార్చి 14వ తేదీన థియేటర్లలోకి వచ్చింది. దుష్యంత్ జయప్రకాశ్ ఈ మూవీలో లీడ్ రోల్ చేశారు. ఈ యాక్షన్ డ్రామా చిత్రానికి జయవేల్ మురుగన్ దర్శకత్వం వహించారు. నీటి వ్యాపారం చేసే రెండు గ్రూప్‍ల మధ్య ఈ చిత్రం సాగుతుంది.
(5 / 5)
వరుణన్ సినిమా మే 1వ తేదీన ఆహా తమిళ్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ మూవీలో దుష్యంత్‍తో పాటు గాబ్రియెల్లా కార్ల్‌టన్, రాధారవి, చరణ్ రాజ్ కీరోల్స్ చేశారు.
ఇతర గ్యాలరీలు