బ్రేక్ ఫాస్ట్ లో ఇవి అస్సలు తినకండి.. షుగర్లు, బీపీలు వస్తాయి.. ఆరోగ్యాన్ని నాశనం చేస్తాయి
మంచి ఆరోగ్యాన్ని కాపాడుకోవడానికి ఆరోగ్యకరమైన అల్పాహారం తీసుకోవాలని నిపుణులు సిఫార్సు చేస్తున్నారు. కానీ చాలా మంది రోజులో మొదటిది మరియు అతి ముఖ్యమైన భోజనం అయిన అల్పాహారాన్ని మానేస్తున్నారు. లేదా ఆరోగ్యానికి ముప్పు కలిగించేవి బ్రేక్ ఫాస్ట్ గా తింటున్నారు.
(1 / 8)
బ్రేక్ ఫాస్ట్ లేదా అల్పాహారం. రోజులో ఇది చాలా ముఖ్యమైన బోజనం. రాత్రి భోజనం అనంతరం సుదీర్ఘ విరామం తీసుకున్న తరువాత బ్రేక్ ఫాస్ట్ చేస్తాం. అందువల్ల, అందులో ఆరోగ్యకరమైన, రోజంతా శక్తినిచ్చే ఆహారం ఉండేలా చూసుకోవాలి. మీ బ్రేక్ ఫాస్ట్ ప్లేట్ లో ఈ ఏడు ఆహారాలను ఎప్పుడూ తీసుకోకండి.
(Pic Credit: Shutterstock)
(2 / 8)
తీపి తృణధాన్యాలు - ఉదయం అల్పాహారం కోసం తీపి తృణధాన్యాలను (చాకోస్ లేదా కెలాగ్స్ వంటివి) నివారించాలి. ముఖ్యంగా ప్రాసెస్ చేసిన వాటిలో షుగర్ ఎక్కువగా ఉండటం వల్ల ఇవి శరీరంలో షుగర్ లెవల్స్ ను వేగంగా పెంచుతుంది. వీటివల్ల బరువు పెరిగే ప్రమాదం కూడా ఉండవచ్చు.
(Pic Credit: Shutterstock)
(3 / 8)
ప్రాసెస్ చేసిన మాంసాలు - సాసేజ్, బేకన్ వంటి ప్రాసెస్ చేసిన మాంసాలలో సంతృప్త కొవ్వులు, సోడియం అధికంగా ఉంటాయి. ఇవి అధిక రక్తపోటుకు కారణమవుతాయి మరియు గుండె ఆరోగ్యాన్ని దెబ్బతీస్తాయి.
(Pic Credit: Shutterstock)
(4 / 8)
వేయించిన వస్తువులు - పూరీ, సమోసా లేదా ఫ్రెంచ్ ఫ్రైస్ వంటి వేయించిన పదార్థాలు జీర్ణం కావడానికి సమయం పడుతుంది. వాటితో బరువు పెరగడం, ప్రమాదకర కొవ్వులు శరీరంలో పేరుకుపోవడం జరుగుతుంది. చెడు కొలెస్ట్రాల్ పెరుగుతుంది.
(Pic Credit: Shutterstock)
(5 / 8)
పేస్ట్రీలు మరియు డోనట్స్ - పేస్ట్రీలు మరియు డోనట్స్ లో చక్కెర మరియు ట్రాన్స్ ఫ్యాట్స్ అధికంగా ఉంటాయి, ఇవి బరువు పెరగడానికి, తక్కువ శక్తి స్థాయిలకు కారణమవుతాయి. ఇవి తొందరగా జీర్ణమై, త్వరగా ఆకలి వేస్తుంది.
(Pic Credit: Shutterstock)
(6 / 8)
వైట్ బ్రెడ్, జామ్ - వైట్ బ్రెడ్ లో ఫైబర్ తక్కువగా ఉంటుంది. జామ్ లో చక్కెర ఎక్కువగా ఉంటుంది. ఇవి పోషకాహారానికి బదులుగా కేలరీలను మాత్రమే ఇస్తాయి. పోషకాలు లేని ఈ రెండూ రక్తంలో చక్కెర స్థాయిలను వేగంగా పెంచడం ద్వారా శక్తి స్థాయిని తగ్గిస్తాయి. అంతే కాదు వీటిని తీసుకోవడం వల్ల బరువు పెరిగే అవకాశం కూడా ఉంది.
(Pic Credit: Shutterstock)
(7 / 8)
కార్బోనేటేడ్ డ్రింక్స్ - ఉదయం బ్రేక్ ఫాస్ట్ టేబుల్ పై జ్యూస్ కు బదులు సోడా లేదా కూల్ డ్రింక్స్ సర్వ్ చేయడం పూర్తిగా తప్పు వీటితో ఎలాంటి ఆరోగ్య ప్రయోజనాలు ఉండవు. వీటిని తినడం వల్ల గ్యాస్, కడుపు ఉబ్బరం ఏర్పడతాయి.
(Pic Credit: Shutterstock)
(8 / 8)
ప్రాసెస్డ్ పెరుగు - ప్రాసెస్డ్ పెరుగులో అధిక మొత్తంలో చక్కెర ఉండటం వల్ల డయాబెటిస్ రోగుల ఆరోగ్యానికి హాని కలిగిస్తుంది. దీన్ని పరగడుపున తీసుకోవడం వల్ల బ్లడ్ షుగర్ లెవల్స్ పెరుగుతాయి. మీ అల్పాహారం ప్లేట్లో ప్రాసెస్డ్ పెరుగుకు బదులుగా సాదా పెరుగును చేర్చండి. అందులో అవసరం అనుకుంటే తేనె లేదా పండును కట్ చేసి వేసుకోవచ్చు.
(Pic Credit: Shutterstock)
ఇతర గ్యాలరీలు