సీతా నవమి రోజు ఈ చిన్న పనులు చేస్తే చాలు భార్యాభర్తల మధ్య బంధం బలంగా మారుతుంది

మిథిలా మహారాజు జనకుని కుమార్తె, అయోధ్య రాముడి భార్య సీతా దేవి. భారతదేశంలోని కొన్ని ప్రాంతాలలో సీతా నవమిని జానకి నవమి లేదా సీతా జయంతి అని పిలుస్తారు. హిందూ క్యాలెండర్ ప్రకారం, సీతా నవమిని వైశాఖ మాసంలో శుక్ల పక్షం తొమ్మిదవ రోజున జరుపుకుంటారు, ఈ ఏడాది 2025 మే 5న సీతా నవమి జరగనుంది.

పౌరాణిక గ్రంథాల ప్రకారం పుష్య నక్షత్రంలో సీతామాత మంగళవారం జన్మించింది. 2025 లో సీతా నవమి శుభ తేదీ ఎప్పుడు, పూజకు శుభ సమయం ఏమిటి అనేవి విషయాలను తెలుసుకోండి.

వైశాఖ మాసం శుక్ల నవమి తిథి నాడు సీతా నవమి నిర్వహించుకుంటాము. ఈ ఏడాది మే 5న వచ్చింది. మే 5 ఉదయం 07:35 నుంచి నవమి తిధి వస్తుంది.

సీతామాతకు 16 గాజులను సమర్పించడం వల్ల స్త్రీ జీవితంలో సంతృప్తి కలుగుతుంది. ఇది వైవాహిక జీవితంలో మాధుర్యాన్ని కాపాడుతుంది.

సీతాదేవి భూమి నుంచి జన్మించింది. కాబట్టి భూమిని పూజించి సీతాదేవి అనుగ్రహం తీసుకోండి. ఇది జీవిత మూలాలను బలపరుస్తుంది. ఈ రోజున ఓం పతివ్రతై నమః అనే మంత్రాన్ని పఠించడం వల్ల మనస్సు ఏకమై దాంపత్య జీవితంలోని సమస్యలు తొలగిపోతాయి. అలాగే సీతా చాలీసా పఠించడం వల్ల మనసుకు బలం, ప్రశాంతత కలుగుతాయి.

ఎరుపు రంగు బలం, ప్రేమ, వివాహానికి సంకేతం. సీతా మాతకు ఎర్రని వస్త్రాన్ని సమర్పించడం వల్ల వివాహానికి సంబంధించిన అడ్డంకులు తొలగిపోతుంది.

సీతా నవమి నాడు సీతామాతకు పసుపును సమర్పించి ఉపవాసం చేయండి. ముఖ్యంగా పెళ్లి చేసుకునే అమ్మాయిలకు ఈ పని చేయడం ఎంతో మంచిది.