Teddy Day 2024: టెడ్డీ‌బేర్‌ని బహుమతిగా ఇవ్వడం ఎప్పటి నుంచి మొదలైందో తెలుసా? ఇదిగో ఆ స్టోరీ

వాలెంటైన్ వీక్‌లో  టెడ్డీ డే ముఖ్యమైనది. మీ ప్రియమైన వారికి టెడ్డీని ఇచ్చి మీ భావాలను వ్యక్తపరిచే రోజు ఇది. ఈ టెడ్డీని పిల్లలతో పాటు పెద్దలు కూడా ఇష్టపడతారు. టెడ్డీ బొమ్మలు గత శతాబ్ద కాలంగా గిఫ్టులుగా ఇస్తున్నారు. దీని వెనుక ఒక కథ ఉంది. 

1902లో అమెరికా అధ్యక్షుడు థియోడర్ రూజ్‌వెల్ట్ వేటకు వెళ్లాడు. మిస్సిస్సిప్పి,  లూసియానా సరిహద్దుకు వెళ్లాక ఆయనకు మంచి మద్యం దొరకలేదు. ఆయనకు చికాకుగా అనిపించింది. 

అధ్యక్షుడితో పాటూ వచ్చిన వారు అతడిని సంతోషపెట్టేందుకు చిన్న ఎలుగుబంటి పిల్లను వెతికి తెచ్చారు. దాన్ని చెట్టుకు కట్టేసి ఉంచారు. దాన్ని షూట్ చేయమని చెప్పారు.

కానీ అధ్యక్షుడు ఆ చిన్న ఎలుగుబంటి పిల్లను చూశాక షూట్ చేయాలనిపించలేదు. దాన్ని వదిలేయమని చెప్పాడు.  ప్రముఖ వాషింగ్టన్ కార్టూనిస్ట్ క్లిఫోర్డ్ బెర్రీమాన్ ఈ సంఘటన ఆధారంగా ఒక కార్టూన్ గీశాడు. దాన్ని 'డ్రాయింగ్ ది లైన్ ఇన్ మిస్సిస్సిప్పి' అంటారు.

అయితే దీన్ని చూసిన వెంటనే కస్టమర్లు ఆ డ్రాయింగ్ కొనుగోలు చేసేందుకు ఉత్సాహం చూపారు. అప్పటి నుంచి టెడ్డీ బేర్ బొమ్మలను తయారు చేసి అమ్మడం ప్రారంభించారు. ఐడియల్ టాయ్ కంపెనీ 1903లో వీటిని అమ్మడం మొదలుపెట్టింది.

ఇప్పుడు ప్రపంచంలో అధికంగా అమ్ముడవుతున్నబొమ్మల్లో టెడ్డీ బేర్ లు మొదటి స్థానం. వాలెంటైన్స్ డే వస్తే చాలు గులాబీలతో పాటూ టెడ్డీలు అధికంగా అమ్ముడవుతాయి.