సల్మాన్ ఖాన్ సోదరి అల్వీరా లవ్ స్టోరీ తెలుసా?.. వారి లవ్ కు సల్మాన్ ఎలా రియాక్ట్ అయ్యాడు?
బాలీవుడ్ కండల వీరుడు సల్మాన్ ఖాన్ సోదరి అల్వీరా ఖాన్ నటుడు అతుల్ అగ్నిహోత్రిని వివాహం చేసుకున్నారు. సల్మాన్ సినిమా షూటింగ్ సమయంలోనే వారిమధ్య ప్రేమ చిగురించింది. అయితే, సల్మాన్ కుటుంబం నుంచి ఈ పెళ్లికి అనుమతి రాదేమోనని వారు భయపడ్డారు.
(1 / 8)
(2 / 8)
అల్వీరా, అతుల్ అగ్నిహోత్రి ప్రేమకథ 1992లో వచ్చిన జాగృతి చిత్రంతో మొదలైంది. ఈ సినిమాలో సల్మాన్ ఖాన్ హీరోగా నటించాడు. ఈ సినిమాకు అతుల్ అసిస్టెంట్ డైరెక్టర్ గా పనిచేశాడు. అల్వీరా తరచూ తన సోదరుడిని కలవడానికిి ఈ సినిమా సెట్స్ కు వచ్చేది.
(3 / 8)
జాగృతి సినిమా షూటింగ్ సమయంలోనే వారి మధ్య ప్రేమ చిగురించింది. సినిమా షూటింగ్ పూర్తి కాగానే అల్వీరా, అతుల్ వివాహం చేసుకోవాలనుకున్నారు. అయితే, రెండు కుటుంబాల అనుమతితోనే పెళ్లి చేసుకోవాలనుకున్నారు.
(4 / 8)
అతుల్ కుటుంబం వైపు నుంచి ఎటువంటి సమస్యా లేదు, కానీ ఈ వివాహానికి సల్మాన్ ఖాన్ తో పాటు తండ్రి సలీం ఖాన్ సమ్మతి అవసరం. అల్వీరా తన ప్రేమ గురించి భయపడుతూనే ముందుగా సల్మాన్ కు చెప్పింది.
(5 / 8)
సల్మాన్ కు కోపం వస్తుందని, పెళ్లికి ఒప్పుకోడని అనుకున్నారు. కానీ, అనూహ్యంగా సల్మాన్ వారి బంధానికి సమ్మతించాడు. అతుల్ ను వారి కుటుంబంలోకి ఆహ్వానించడానికి అంగీకరించాడు.
(6 / 8)
తన సోదరి అల్వీరా తనకిష్టమైన వ్యక్తిని పెళ్లి చేసుకుందని సల్మాన్ ఓ ఇంటర్వ్యూలో సంతోషం వ్యక్తం చేశాడు. సల్మాన్ ఖాన్ సోదరులు కూడా ఈ వివాహాన్ని మనస్ఫూర్తిగా అంగీకరించారు. చిన్నప్పుడు సల్మాన్ అన్నదమ్ములు, చెల్లెలు ఒకే గదిలో ఉండేవారు. వారి మధ్య మంచి ఆప్యాయత, అనురాగం ఉన్నాయి.
(7 / 8)
సల్మాన్ అంగీకారంతో అల్వీరా అతుల్ ను తండ్రి సలీంఖాన్ కు పరిచయం చేసింది. తనకు ఈ వ్యక్తి అంటే ఇష్టమని చెప్పింది. దీనిపై సలీంఖాన్ స్పందిస్తూ.. 'నాకు కూడా నచ్చాడు' అని చెప్పాడు. కుటుంబ సభ్యుల అనుమతితో అల్వీరా 1995లో అతుల్ ను వివాహం చేసుకుంది.
(8 / 8)
వివాహానంతరం వారికి కుమారుడు అయాన్, కూతురు అలీజా జన్మించారు. రాబోయే కాలంలో అలీజా కొత్త మూవీ ప్రాజెక్ట్ లో కనిపించనుంది.
ఇతర గ్యాలరీలు