Vastu Tips: వంటగదిలో తులసి మొక్కను ఉంచితే ఎంత మంచిదో తెలుసా? లక్ష్మీదేవి అనుగ్రహం దక్కుతుంది

హిందూమతం ప్రకారం తులసి మొక్క ప్రభావం బలంగా ఉంటుంది. అయితే వాస్తు శాస్త్రం ప్రకారం తులసి చెట్టు గురించి అనేక నమ్మకాలు ఉన్నాయి. హిందూశాస్త్రం ప్రకారం తులసిని శుభప్రదంగా, పవిత్రంగా భావిస్తారు. చాలా మంది ఇంట్లో తులసి చెట్లను మంచి ఆశలతో పెంచుకుంటారు. వంటగదిలో కూడా తులసి మొక్కను ఉంచుతారు. తులసి మొక్కలను వంటగదిలో ఉంచడానికి కొన్ని నియమాలు పాటించడం మంచిది. ఆ నియమాలు ఏమిటో చూద్దాం.

వంటగదిలో తులసి -  ఇంట్లో తులసి మొక్కను ఉంచడం వల్ల ఇంట్లో సానుకూల ప్రభావాలు ఉంటాయని చాలా మంది నమ్ముతారు. ఇంటి ముందు ఒక తులసి మొక్క ఉంటుంది. అయితే చాలా మంది తులసి మొక్కను ఇంటి వంటగదిలో ఉంచుతారు. అన్నపూర్ణ అమ్మ నివసించే వంటగదిలో లక్ష్మీదేవి ప్రవేశించాలను కుంటే తులసి మొక్కను ఉంచాలి. ఈ మొక్కను వంటగదిలో ఉంచడం శుభప్రదంగా భావిస్తారు. అయితే దీనిని వంటగదిలో ఉంచడానికి కొన్ని నియమాలు పాటించాలి. 

పరిశుభ్రత:  ఇంటిని పరిశుభ్రంగా ఉంచుకోవడం, అందులో తులసి మొక్కను ఉంచడం శుభప్రదం. వంటగదిలో తులసి మొక్కను ఉంచితే దాన్ని శుభ్రంగా ఉంచుకోవాలి. అటువంటి పరిస్థితిలో వంటగదిలో మాంసాహారం ఉంచకూడదు. మురికి ఉండే పాత్రలను శుభ్రం చేయాలి. రాత్రిపూట కూడా గిన్నెలు సింక్ లో వదిలేయకూడదు. వంటగదిని శుభ్రంగా ఉంచుకోవాలి.

తులసిని వంటగదిలో ఉంచడానికి నియమాలు -  వంటగదిలో తులసి మొక్కను ఉంచి పూజించాలి. ప్రతిరోజూ పూజకు నీరు సమర్పించాలి. తులసి ఆకులు రాలిపోతే బియ్యం డబ్బాలో పెట్టుకోవచ్చు. అలాగే తులసి ఆకులను గంగా నీటిలో కలిపి వంటగది చుట్టూ చల్లుకోవచ్చు.

తులసిని వంటగదిలో ఏ దిశలో ఉంచాలి-  వంటగదిలో తులసి మొక్కను ఉత్తర, తూర్పు లేదా ఈశాన్య దిశలో ఉంచాలి. ఇలా ఉంచడం వల్ల వివిధ విధాలుగా శుభ ఫలితాలను పొందవచ్చు. సుఖసంతోషాలు, ఐశ్వర్యం కలుగుతాయి. లక్ష్మీదేవి అనుగ్రహం లభిస్తుంది.