Krishna Janmashtami 2024: కృష్ణాష్టమి రోజున తులసితో ఇలా చేయండి.. ఈ శుభాలు కలుగుతాయి!

శ్రీ కృష్ణ జన్మాష్టమి (కృష్ణాష్టమి) పండుగకు చాలా ప్రాముఖ్యత ఉంటుంది. శ్రీకృష్ణుడి జన్మదినంగా ఈరోజును జరుపుకుంటారు. ప్రతీ సంవత్సరం శ్రావణ మాసం కృష్ణపక్షం ఎనిమిదో రోజున ఈ పర్వదినం ఉంటుంది. ఈ ఏడాది ఆగస్టు 26న కృష్ణాష్టమి ఉంది. ఈ రోజున తులసి మొక్కను పూజిస్తే చాలా మంచి జరుగుతుందనే విశ్వాసం ఉంది. 

హిందూమతంలో తులసిని అత్యంత పవిత్రమైన మొక్కగా భావిస్తారు. శ్రీవిష్ణువు, లక్ష్మిదేవికి దీన్ని ఇష్టమైన మొక్కగా విశ్వసిస్తారు. ఇంట్లో తులసి మొక్క ఉండడం వల్ల పాజిటివ్ ఎనర్జీ ఉంటుంది. 

కృష్ణాష్టమి రోజున తులసి మొక్క ముందు ‘ఓం నమో భగవతే వాసుదేవాయ’ అనే మంత్రాన్ని పఠించాలి. శ్రీకృష్ణుడి నామాలను జపించాలి. ఇలా చేయడం వల్ల జీవితంలోని సమస్యలు తొలగిపోతాయని, కోరికలు నెరవేరుతాయనే నమ్మకం ఉంది. 

కృష్ణాష్టమి పర్వదినాన కృష్ణుడికి సమర్పించే వెన్నెలో తులసి ఆకులను వేయండి. దీనివల్ల ఆర్థిక పరిస్థితి మెరుగవుతుందనే విశ్వాసం ఉంది. 

కృష్ణాష్టమి రోజున తులసి మొక్కకు ఎర్రని వస్త్రం సమర్పించాలి. ఇలా చేయడం వల్ల ఉద్యోగం, వ్యాపారాల్లో పురోగతి దక్కేందుకు తోడ్పడుతుందనే విశ్వాసం ఉంది. 

కృష్ణ జన్మాష్టమి పండుగ రోజున తులసి మొక్క ముందు నెయ్యితో దీపాన్ని వెలిగించాలి. 11సార్లు తులకి కోట చుట్టూ ప్రదక్షిణలు చేయాలి. ఇలా చేయడం వల్ల సంతోషం, శ్రేయస్సు కలుగుతాయి.

కృష్ణాష్టమి రోజున తులసి మొక్కను నాటడం కూడా చాలా శుభప్రదం. వైవాహిక జీవితంలో సమస్యలు తొలగి, జీవితంలో సంతోషంగా ఉంటారనే విశ్వాసం ఉంది. (గమనిక: శాస్త్రాలు, విశ్వాసాల ఆధారంగా ఈ సమాచారాన్ని అందించాం. వీటికి శాస్త్రీయ ఆధారాలు ఉండవు. సందేహాలు ఉంటే సంబంధిత నిపుణులను సంప్రదించవచ్చు.)