Sanitary Pads: శానిటరీ ప్యాడ్లు మొదటిసారి మగవారి కోసమే తయారుచేశారని తెలుసా?

శానిటరీ ప్యాడ్స్ గురించి చర్చించేటప్పుడు చాలా మంది పురుషులు అసౌకర్యంగా ఫీలవుతారు. నిజానికి వీటిని తొలిగా తయారుచేసినది మగవారి కోసమే.  

శానిటరీ ప్యాడ్లు మహిళల జీవితాలతో విడదీయరాని సంబంధం కలిగి ఉన్నాయి. నెలసరి సమయంలో స్త్రీలు కచ్చితంగా ఈ ప్యాడ్ ను ఉపయోగించాల్సి ఉంటుంది. 

ఒకప్పుడు దీన్ని పురుషులు వినియోగించేవారు.  ఫ్రాన్స్ లో దీన్ని పురుషులు ఉపయోగించే వస్తువుగా ఉండేది. అమెరికాలోని కొందరు మహిళా నర్సులు పీరియడ్స్ సమయంలో దీన్ని ఉపయోగించడం ప్రారంభించారు. ఫలితంగా ఈ ప్యాడ్లు మహిళలు వాడడం మొదలైంది. ఆ తర్వాత ఈ అలవాటు ప్రపంచవ్యాప్తంగా వ్యాపించింది. 

అమెరికన్ శాస్త్రవేత్త, పారిశ్రామికవేత్త, రచయిత బెంజమిన్ ఫ్రాంక్లిన్ మొదట ఈ శానిటరీ ప్యాడ్ ను తయారు చేశారు. దానిలో వాడిన పదార్థాన్ని కనిపెట్టినవాడు అతడే. 

 ఐరోపాలో యుద్ధం జరుగుతున్న కాలంలో ఫ్రెంచ్ సైనికులకు తీవ్రంగా గాయాలయ్యాయి. రక్తపాతం అధికంగా జరిగింది. వారి రక్తపాతాన్ని ఆపడానికి బెంజమిన్ ఫ్రాంక్లిన్ రక్తాన్ని పీల్చే పదార్థాన్ని కనిపెట్టి శానిటరీ ప్యాడ్ ను సృష్టించాడు. ఈ ప్యాడ్ కోసం మెటీరియల్ అమెరికా నుంచి ఫ్రాన్స్ కు వచ్చేది. గాయపడిన సైనికులకు ఈ ప్యాడ్ లను కట్టేవారు. 

ఆ తర్వాత ఆ సైనికులకు సేవలందించేందుకు పలువురు అమెరికన్ నర్సులు ఫ్రాన్స్ కు వచ్చారు. వారికి పీరియడ్స్ వచ్చినప్పుడు ఈ ప్యాడ్ లనే వినియోగించడం మొదలుపెట్టారు. అమెరికా వెళుతూ ఈ ప్యాడ్ లను కూడా తీసుకువెళ్లారు. అలా మహిళలంతా వీటిని వాడడం మొదలుపెట్టారు.  

కానీ మొదట్లో ఈ ప్యాడ్లు పేద, మధ్యతరగతి మహిళలకు అందుబాటులో ఉండేవి కాదు. ఆ తర్వాత వీటిని భారీగా ఉత్పత్తి చేయడం ప్రారంభించారు. దీంతో  వాటి ధరలు తగ్గాయి. ఎప్పుడైతే మహిళలు నెలసరికి వినియోగించడం మొదలుపెట్టాక మగవారు వీటిని వాడడం మానేశారు.