Cyclone Remal: భారత్, బంగ్లాదేశ్ ల్లో 16 మంది ప్రాణాలు తీసిన రెమల్ తుపాను

ఈ ఏడాది తొలి పెను తుపాను రెమాల్ తుపాను తీరప్రాంతాలను అతలాకుతలం చేసింది. ఈ తుపాను కారణంగా బంగ్లాదేశ్, భారత్ లలో 16 మంది మరణించారు.

అధికారిక లెక్కల ప్రకారం ఇప్పటివరకు 10 మంది చనిపోయారని బంగ్లాదేశ్ విపత్తు నిర్వహణ, సహాయ శాఖ మంత్రి మొహిబుర్ రెహ్మాన్ మంగళవారం తెలిపారు.

మృతుల్లో కొందరు నీటమునిగిపోగా, మరికొందరు ఇళ్లు కూలడంతో చనిపోయారని తీర ప్రాంత అధికారులు తెలిపారు.

మృతుల్లో భోలా, బరిసాల్ జిల్లాల్లో ముగ్గురు చొప్పున, సత్ఖిరా, ఖుల్నా, చిట్టగాంగ్, పతువాఖలి జిల్లాల్లో ఒక్కొక్కరు చొప్పున ఉన్నారు. 

ఆదివారం అర్ధరాత్రి తీరం దాటిన తర్వాత గంటకు 80-90 కిలోమీటర్ల వేగంతో గాలులు వీచాయని, సోమవారం ఉదయం 'రెమల్' తుపాను స్థాయికి బలహీనపడిందని వాతావరణ శాఖ తెలిపింది.

రెమల్ తుపాను ఆదివారం తీరం దాటడంతో బంగ్లాదేశ్, భారత్ తీర ప్రాంతాల్లో బలమైన గాలులు, భారీ వర్షాలు కురిశాయి. ఈదురుగాలులకు విద్యుత్ స్తంభాలు విరిగిపడటం, చెట్లు నేలకూలడంతో లక్షలాది మందికి విద్యుత్ సరఫరా నిలిచిపోయింది.

కోల్ కతాలో రెమల్ తుపాను ప్రభావంతో ఆకాశం మేఘావృతమై, పట్టపగలే చీకట్లు కమ్ముకున్నాయి. నగరంలోని పలు ప్రాంతాల్లో విద్యుత్ సరఫరా నిలిచిపోయింది.

రెమాల్ తుఫాను కారణంగా  కోల్కతా విమానాశ్రయం నుంచి విమాన సర్వీసులను  21 గంటల పాటు నిలిపివేశారు.

బంగ్లాదేశ్ లోని మోంగ్లా ఓడరేవు, దానిని ఆనుకుని ఉన్న సాగర్ దీవుల తీర ప్రాంతాలను తుపాను దాటేసి గంటకు 135 కిలోమీటర్ల వేగంతో గాలులు వీచాయని భారత వాతావరణ శాఖ (ఐఎండీ) తెలిపింది.