AP TG Winter Updates: తెలుగు రాష్ట్రాల్లో పెరిగిన చలితీవ్రత, ఏజెన్సీలో కనిష్టానికి పడిపోయిన ఉష్ణోగ్రతలు

తెలంగాణలో చలి తీవ్రత పెరిగింది. రాత్రి ఉష్ణోగ్రతలు కనిష్ట స్థాయికి పడిపోతున్నాయి. ఆదివారం అర్థరాత్రి పదకొండు జిల్లాల్లో 12.1 డిగ్రీల ఉష్ణోగ్రతలు నమోదయ్యాయి. 

రాజన్న సిరిసిల్లలో 12 డిగ్రీలు, రంగారెడ్డి, కుమురంభీం ఆసిఫాబాద్‌, వికారాబాద్‌, సిద్ధిపేట, మెదక్, సంగారెడ్డి, కామారెడ్డి, ఆదిలాబాద్‌ జిల్లాల్లో 12.1 డిగ్రీల ఉష్ణోగ్రతలు నమోదయ్యాయి. 

తెలంగాణలో పలు ప్రాంతాల్లో ఉదయం పది దాటే వరకు సూర్యుడు మంచుతెరల మాటున ఉండిపోతున్నాడు. పగటి ఉష్ణోగ్రతలు కూడా తగ్గిపోయాయి. 

ఉదయం పూట మంచుతెరలు వీడకపోవడంతో పొగమంచులోనే రాకపోకలు సాగించాల్సి వస్తోంది. ఉత్తర భారతదేశంలో చలితీవ్రత అధికంగా ఉంది. 

ఆదివారం అర్థరాత్రి తెలంగాణలోని పదకొండు జిల్లాల్లో 12.1 డిగ్రీల ఉష్ణోగ్రతలు నమోదయ్యాయి. చలిగాలుల తీవ్రత పెరగడంతో ప్రజలు ఇళ్లకు పరిమితం అవుతున్నారు. 

చలిగాలులు, మంచు తెరలు వీడకపోయినా పొగమంచులోనే  ఉపాధి కోసం వెళుతున్న కూలీలు

ఏపీలో కూడా రాత్రి ఉష్ణోగ్రతలు క్రమంగా తగ్గిపోతున్నాయి. అరకులోయలో 8.9డిగ్రీలు, డుంబ్రిగుడలో 9.7 డిగ్రీల కనిష్ట ఉష్ణోగ్రతలు నమోదయ్యాయి.

తెలుగు రాష్ట్రాల్లో చలితీవ్రత పెరిగింది. ఆంధ్రప్రదేశ్‌లోని ఏజెన్సీ ప్రాంతాల్లో కనిష్ట ఉష్ణోగ్రతలు 8డిగ్రీల కంటే కనిష్టానికి తగ్గాయి. తెలంగాణలో సైతం చలి తీవ్రత పెరిగింది. తెలంగాణలో పలు ప్రాంతాల్లో పగటి సమయంలో కూడా  మంచుతెరలు వీడటం లేదు. 

అరకులోయలో 8.9డిగ్రీలు, డుంబ్రిగుడలో 9.7 డిగ్రీల కనిష్ట ఉష్ణోగ్రతలు నమోదయ్యాయి. అల్లూరి సీతారామరాజు జిల్లా పాడేరు మన్యంలోని 11 మండలాల్లో చలి తీవ్రత అధికంగా ఉంది. 

గతంతో పోలిస్తే ఏజెన్సీ ప్రాంతంలో చలి తీవ్రత అధికం అయ్యింది. సోమవారం రాత్రి అరకులోయలో 8.9డిగ్రీలు, డుంబ్రిగుడలో 9.7డిగ్రీలు, జి.మాడుగులలో 10డిగ్రీలు, ముంచంగిపుట్టు, హుకుంపేటలో 10.9డిగ్రీల కనిష్ట ఉష్ణోగ్రతలు నమోదు అయ్యాయి.