కుప్పంలో ప్రసన్న తిరుపతి గంగమ్మకు పట్టువస్త్రాలు, సారె సమర్పించిన సీఎం చంద్రబాబు దంపతులు

ఏపీ సీఎం చంద్రబాబు దంపతులు కుప్పంలో ప్రసన్న తిరుపతి గంగమ్మ జాతర సందర్భంగా అమ్మవారికి సారె సమర్పించారు. సీఎం దంపతులకు అర్చకులు ఘన స్వాగతం పలికారు.

కుప్పంలో ప్రసన్న తిరుపతి గంగమ్మ జాతర సందర్భంగా అమ్మవారికి సీఎం చంద్రబాబు దంపతులు పట్టు వస్త్రాలు సమర్పించారు.

గంగమ్మ ఆలయం వద్ద వేద పండితులు సీఎం దంపతులకు పూర్ణకుంభంతో స్వాగతం పలికారు.

సీఎం చంద్రబాబు దంపతులు అమ్మవారి విశ్వరూప దర్శనం చేసుకున్నారు. అమ్మవారికి సారె సమర్పించి, ప్రత్యేక పూజలు నిర్వహించారు. రాష్ట్రానికి మంచి జరగాలని అమ్మవారిని సీఎం చంద్రబాబు ప్రార్థించారు.

తిరుపతి గంగమ్మ అమ్మవారి తీర్థ ప్రసాదాలను సీఎం చంద్రబాబు దంపతులు స్వీకరించి ఆలయ పరిసరాలను పరిశీలించారు. అనంతరం ప్రత్యేక హెలికాప్టర్‌లో సీఎం చంద్రబాబు బెంగళూరుకు వెళ్లారు.

ప్రసన్న తిరుపతి గంగమ్మ అమ్మవారి విశ్వరూప దర్శనం కోసం భక్తులు భారీగా తరలివచ్చారు. ఏడాదికి ఒకసారి మాత్రమే ఈ దర్శనం ఉంటుంది.